Þessu ætlaði Guðmundur Felix ekki að trúa – MYNDBAND – Dansandi glaður í bataferlinu

Guð­mundur Felix Grét­ars­son tók létt dans­spor í gær til að fagna því að hafa loks­ins fengið að fara úr sjúkra­rúm­inu sínu. Þar hafði hann legið í tæpar tvær vikur eftir hand­leggja­á­græðsl­una.

Ofan á það að vera dans­andi kátur með árang­ur­inn fram til þessa kom það Guðmundi líka skemmti­lega á óvart að hinum nýju hand­leggjum fylgdi óvæntur glaðn­ingur. Nefni­lega sæmi­legir upp­hand­leggsvöðvar.

Guð­mundur birti þessa mynd af sér í morgun. Þar má sjá upp­hand­leggsvöðvana sem hann hlaut að gjöf.

Dans­mynd­band Guð­mundar má sjá hér neðar en á því er má aug­ljós­lega sjá hversu feg­inn hann er að vera nú kom­inn á fætur og hafa fengið loks að fara fram úr rúm­inu. Það var gert með dyggri aðstoð heil­brigð­is­starfs­fólks og má sjá að hinir nýju hend­leggir eru það kyrfi­lega reyrðir við lík­ama hans.

Guð­mundur Felix losn­aði af gjör­gæslu fyrir helgi þar sem hann hafði verið undir ströngu eft­ir­liti eftir ein­staka skurð­að­gerð, þá fyrstu sinnar teg­undar í ver­öld­inni. Hann, sem missti báða hand­leggi í vinnu­slysi fyrir meira en tutt­ugu árum síðan, hefur nú fengið nýjar hendur eftir að hann gekkst undir aðgerð í Lyon í Frakk­landi. Aðgerðin stóð yfir í nærri 15 klukku­stundir. Læknar hafa lýst því yfir að bata­horfur Guð­mundar líti vel út þar sem blóð­flæði er út í allar fingur og hann er með til­finn­ingu í báðum höndum.Lestu skemmti­legt helg­ar­við­tal Mannlífs við Guðmund Felix

hér

.