Gunnar Smári með falleg og mikilvæg skilaboð: „Geri mér grein fyrir að ég sé voða vitlaus“

Gunnar Smári Egilsson, for­sprakki Sós­í­alista­flokks­ins, telur að Íslend­ingar eigi að und­ir­búa sig betur undir það hlut­verk að ganga for­eldrum sínum í for­eldra­stað. Sjálfur seg­ist hann ekki hafa gert það nógu vel gagn­vart því fal­lega hlut­verki að sinna aldr­aðri móður sinni.

Gunnar Smári viðrar þessar hug­myndir sínar í færslu á Facebook og er ástæða skrif­ann sú að hann fór með móður sína í bólu­setn­ingu í morgun gegn Covid-19. „Það var fal­legt. Í salnum var fólk sem verður nírætt á þessu ári og eldra. Þetta er rjóm­inn af sinni kyn­slóð. Í Orku­hús­inu voru þau hress­ustu; sum komu með göngu­grind eins og mamma, fáein voru í hjóla­stólum en lang flest á tveimur jafn­fljótum, sum kvik í hreyf­ingum sem væru þau fimm­tug,“ segir Gunnar Smári og heldur áfram:

„Allt sístemið gekk eins og í sögu, starfs­fólkið indælt, áhuga­samt og til­lits­samt. Þegar heil­brigð­is­kerfið virkar þá er það frá­bært. Við sem erum á biðlist­unum, þau sem þurfa að neita sér um lyf vegna fátæktar og þau sem ekki fá þjón­ustu vegna fjár­skorts eða skipu­lags­leysis sjá aðra hlið af kerf­inu, kald­ari og grimmari. En ef við sleppum inn, þá er heil­brigð­is­kerfið mestu verð­mæti okkar sam­fé­lags.“

Gunnar Smári segir að eldri maður hafi vakið athygi sína fyrir þær sakir að þegar hann sign­aði sig eftir að hafa farið í peys­una eftir bólu­setn­ing­una. „Eins og mamma mín gerði áður en hún klæddi mig í ull­ar­bol­inn. Þegar ég gat klætt mig sjálfur lagði ég ull­ar­bolnum og sleppti sign­ingum. Það hefur svo­lítið vaf­ist fyrir mér und­an­farnar vikur og mán­uði hversu illa ég er und­ir­bú­inn fyrir að eiga ósjálf­bjarga for­eldri. Kannski er það mér að kenna, rambaði bara inn í þessar aðstæður og er að glíma við þær á sama tíma og ég er að reyna að átta mig á þeim, skilja áhrif þeirra á mömmu og sjálfan mig, með­taka feg­urð þess að þurfa á hjálpa að halda og geta auð­veld­lega veitt hana, í sam­blandi við dimman tón dauð­ans sem eng­inn getur flúið,“ segir Gunnar Smári.

Sós­í­alista­for­ingj­anum finnst þetta líkt og hefði hann stigið inn í for­eldra­hlut­verk sitt án þess að hafa heyrt nokkurn mann tala um barna­upp­eldi eða for­eldra­á­byrgð. Hann segir ljóst að íslenska þjóðin þurfi að ræða miklu meira þetta ævi­skeið. „Þegar við þurfum að ganga for­eldrum okkar í for­eldra­stað. Þótt ég geri mér grein fyrir að ég sé voða vit­laus og hefði getað und­ir­búið mig miklu betur, þá grunar mig að við sem sam­fé­lag höfum talað of lítið um þetta ævi­skeið. Ég held að við þurfum sem sam­fé­lag að tala miklu miklu meira um þessa hluti. Þannig byggjum við upp sam­fé­lagið, með því að deila reynslu okkar, styrk og vonum, en líka ugg, varn­ar­leysi og ráða­leysi,“ segir Gunnar Smári.