Erna Ýr Öldudóttir, blaðamaður, segir að Víðir Reynisson yfirlögregluþjónn, sé ofbeldismaður. Þá segir hún Víði hrína eins og grís í fjölmiðlum. Jafnframt heldur hún fram að Víðir og fleiri hafi beitt þjóðina alvarlegu ofbeldi í að verða ár. Hún heldur fram að Víðir og fleiri neyðist til að svara til saka fyrir gjörðir sínar í framtíðinni. Tugir taka taka undir orð Ernu á Facebook-síðu hennar. Víðir hefur verið í fremstu víglínu í baráttunni og sýktist af veirunni.
Erna Ýr hefur starfað á Morgunblaðinu, Viljanum og Útvarpi Sögu. Hún deildi á samfélagsmiðlum frétt sem fjallaði eingöngu um Víði og fund yfirvalda í gær. Víðir upplýsti að mun meira væri um ókurteisi og ofbeldi af hálfu grímulausra í garð starfsfólks verslana ef þeim væri bent á að grímuskylda væri í búðum. Víðir gagnrýndi harðlega ofbeldið og sagði starfsfólkið væri að hjálpa til í baráttunni. Víðir sagði:
„Ekki vera þessi týpa sem er með leiðindi og ókurteisi við starfsfólkið. Notum bara grímurnar og gerum þetta saman.“
Víðir fær óblíðar viðtökur við ósk sinni frá blaðakonunni. Erna telur að þríeykið ásamt fleirum þurfi að svara til saka í framtíðinni og afsökunin verði sú að þau hafi verið að fara eftir fyrirmælum. Vinkona Ernu, kona að nafni Eva Ká svarar og segir: „Sama og gerðist í WW2. Engin afsökun!“ Svar Ernu við samanburð við Seinni heimsstyrjöldina er að líka við kommentið.
Í fréttinni er Víðir er einn til umfjöllunar. Það fer því ekki á milli mála að Víðir er að hennar mati ofbeldismaður sem hríni eins og grís og hafi beitt þjóð sína ofbeldi, og það alvarlegu, í heilt ár.
Orðrétt segir Erna Ýr um fréttina þar sem Víðir biður starfsfólki verslana griða:
„Það er svo fyndið að sjá ofbeldismennina hrína eins og grísir í fjölmiðlum yfir því þegar almenningur reynir að verja sig eða svara fyrir sig. Stjórnmála- og embættismannastétt Íslands er búin að beita alla þjóðina mjög alvarlegu ofbeldi í heilt ár.“
Athugasemdir