Jón Steinar rukkar forsetann

Hæsta­rétt­ar­dóm­ar­inn Jón Steinar Gunn­laugs­son leggur gjarnan lykkju á leið sína ef von er um átök eða dulítið stríð. Seint verður sagt að hann sitji á frið­ar­stóli. Gamla dóm­ar­anum er sér­lega upp­sigað vð fyrr­ver­andi félaga sína í Hæsta­rétti. Þetta leiddi til þess að for­seti Hæsta­réttar, Benedikt Bogason, fór í meið­yrða­mál við Jón Steinar. Þetta er að sjálf­sögðu fok­dýrt og lög­fræði­kostn­aður á hvorn aðila reikn­ast í millj­ónum króna. Jón Steinar var sýkn­aður af kröfu Boga fyrir Hæsta­rétti en dóm­ur­inn ákvað að hvor um sig skyldi bera kostnað af lög­fræð­ingum. Jón Steinar hefur ekki lagt niður vopnin því hann hefur grun­semdir um að Bogi hafi fengið sinn lög­mann frítt auk þess að sleppa undan þeim kostn­aði semJón Steinar þurfti að bera. Hann krefst þess nú að for­set­inn upp­lýsi hvort það sé rétt og að hæsta­rétt­ar­lög­mað­ur­inn Vil­hjálmur H. Vil­hjálms­son eigi þá hönk upp í bakið á honum. Einhver kynni að segja að Jón Steinar hafi lög að mæla …