Sigurjón Þórðarson, fyrrverandi þingmaður Frjálslynda flokksins, segir vaktaður af Kaupfélagi Skagafjarðar á Kreditinfo. Það þýðir að kaupfélagið fær tilkynningu þegar breytingar eiga sér stað á fjárhagsstöðu hans. Hann segir Landsbankann einnig vakta sig. Sigurjón segir þetta óþægilegt.
„Hvers vegna er ég vaktaður af KS? Í gær fór ég inn á mína síðu hjá Kreditinfo og þar blasti við mér til mikillar undrunar að ég er vaktaður af tveimur aðilum þ.e. Kaupfélagi Skagfirðinga og Landsbankanum,“ skrifar Sigurjón á Facebook.
„Sérstök vöktun KS og Landsbankans á fjármálum mínum, er æði undarleg þar sem ég er ekki í neinni skuld við hvorugan aðilann. Að vísu er ég með kreditkort hjá Landsbankanum, með heimild upp á 500 þús og á í óverulegum reiknisviðskiptum við KS, þar sem mér er til efs að heildaruppð ársins nái 300 þús kr.“
Sigurjón spyr sig hvers vegna viðskiptavinir þessa fyrirtækja eru ekki látnir vita af því að þeir verði vaktaðir. „Það sem er óþægilegt við þessa tilgangslausu upplýsingasöfnun er ég hef ekki verið látinn vita af henni. Mér finnst það vera lágmarks krafa gagnvart þeim aðilum sem ástunda vöktun s.s. KS og Landsbankanum að þeir láti viðskiptavini sína sem þeir vilja fygjast grannt með, vita hvað þeir séu að bauka, t.d. hvað upplýsingum þeir eru að leita eftir og hvernig maður getur komist hjá vöktuninni t.d. með því að hætt reiknisviðskiptum ofl.“
Athugasemdir