Ung kona myrt í garði Vigdísar: „Ég er í sjokki. Ég er sorgmædd“

„Þegar ég kom heim til mín í gær­kvöldi voru lög­reglur útum allt fyrir framan húsið mitt og í bak­garð­inum mínum þar sem svefn­her­bergið mitt er. Ég sá strax að það væri eitt­hvað mjög alvar­legt í gangi þar sem rann­sókn­ar­lög­regla var á staðnum og það var verið að setja upp tjald og menn í hvítum göllum að taka myndir útum allt.“

Þetta segir Vigdís Howser Harð­ar­dóttir, rapp­ari og lista­kona, á Facebook en hún er búsett í Berlín. Ung kona, 31 árs að aldri, fannst látin fyrir framan hús Vigdísar. Í umfjöllun þýskra fjöl­miðla kemur fram að bróðir hennar, 36 ára hafi verið hand­tek­inn, grun­aður um verkn­að­inn. Játaði hann að hafa orðið systur sinni að bana með því að berja hana ítrekað með borð­fót svo henni blæddi út og komst hún aldrei til með­vit­undar. Morð­ing­inn hafði ekki svör við því hvað hafði valdið því að hann hefði ráð­ist með offorsi á systur sína og framið svo hrotta­legan glæp.

Nágrannar segja hinn grun­aða hafa verið vina­legan en þó lengi án atvinnu. Vigdís er sem von er í áfalli eftir þessa hræði­legu reynslu. „Ég sá svo líka lík og þá vissi ég að það væri eitt­hvað mjög alvar­legt í gangi. En það var sem­sagt stelpa myrt af kærast­anum sínum í hús­inu sem deilir með mér garði og var því allt að ger­ast beint fyrir framan svefn­her­berg­is­glugg­ann minn,“ segir Vigdís og bætir við: