Þorsteinn óttast ekki afleiðingar – Sakaður um lögbrot: „Ekkert sem ég missi svefn yfir“

Þor­steinn Már Bald­vins­son, for­stjóri Samherja, gerir lítið úr umfjöllun Kveiks í gær og seg­ist ekki tapa svefni út af þætt­inum. Morg­un­blaðið birtir í dag ein­stak­lega vina­legt við­tal við hann en Samherji átt all­nokkurn hlut í blað­inu þar til sá hlutur var afhentur Eyþóri Arn­alds­syni, odd­vita Sjálf­stæð­is­flokks­ins í Reykja­vík. Bæði í fyr­ir­sögn og meg­in­máli er vitnað í orð Þor­steins um að hann sofi vel þrátt fyrir alvar­legar ásak­anir.

Kveikur fjall­aði í gær um að félög í eigu Samherja hafi átt í millj­arða við­skiptum með fisk og lánað hvort öðru. Hjarta erlendrar starf­semi útgerð­ar­innar var sögð í borg­inni Limassol á Kýpur. Kveikur sagði það við­eig­andi að mið­punktur rann­sóknar íslenskra yfir­valda á Samherja væri þar einnig, miðað við gögn úr nýlegum dóms­málum á Íslandi. Hér má nánar lesa um málið.

Þor­steinn virð­ist ekki ótt­ast þessa rann­sókn. „Ég verð ekki and­vaka yfir þessum þætti í nótt,“ er haft eftir honum. Hann segir hægt að hrekja allt sem kom fram í þætt­inum. „Þarna kemur ekk­ert fram sem ekki er hægt að hrekja. Veru­legar skatt­greiðslur voru greiddar til Íslands vegna skipa sem aldrei komu til Íslands,“ segir Þor­steinn. Líkt og áður gremst honum að RÚV veiti ekki aðgang að heim­ildum sínum. „RÚV hefur mikið af gögnum sem eng­inn annar hefur og sýndi okkur engin gögn.“