Inga segir þetta komið gott hjá Strætó: „Þetta á ekki að vera svona”

Inga Björk Mar­grétar Bjarna­dóttir, aktí­visti og starfs­maður Þroska­hjálpar, lýsir á Twitter kald­rana­legum raun­veru­leika fólks sem notar hjóla­stól og þarf að ferð­ast með Strætó. Fjöl­margir stjórn­mála styðja hana í athug­semdum og segja aðstæð­urnar ekki í lagi. 

“Beið úti í 20 mín­útur í bil­uðum kulda eftir Strætó. Vagninn sem kemur án aðgengis. Miðað við að þið segið að þetta séu örfáir vagnar án ramps þá er ég alveg ein­stak­lega óheppin því þetta ger­ist í ca. annað hvert skipti sem ég tek strætó. Hálftími í næsta vagn. Æði,” skrifar Inga.

Henni bauðst fátt annað en að bíða áfram. “Hringdi í Hreyfil. Enginn leigu­bíl með aðgengi á vakt. Jafn­réttisparadísin Ísland. Aðstoð­ar­konan mín er að taka leigu­bíl heim til mín að sækja bíl­inn minn sem er semi óöku­fær og á leið á verk­stæði. Bíð úti á meðan, alein, að deyja úr kulda. Í alvöru. Þetta á ekki að vera svona,” segir Inga. 

Hún krefst þess að þessir óað­gengi­legu vagnar verði teknir úr umferð. “Er ásætt­an­legt að fatlað fólk bíði í klukku­tíma úti eftir að kom­ast heim til sín? Strætó finnst það. Eftir þessa end­ur­teknu upp­á­komu er krafan að vagn­arnir fari úr umferð. Þetta er ekki í lagi. Mér er svo kalt og skórnir blautir í gegn sím­inn kom­inn í 1% en Bára Dís á leið­inni”

Færslur hennar vöktu tals­verða athygli í morgun og stjórn­mála­fólk svo sem Andrés Ingi Jónsson, Helga Vala Helga­dóttir og Dóra Björt Guð­jóns­dóttir sögðu í athug­semdum að þetta væri óboð­legt. 

Inga greinir svo frá því nú eftir hádegi að tals­maður Strætó hafi haft sam­band við hana. “Strætó hafði sam­band í morgun og ég er þakk­lát fyrir það. Ég er hins vegar búin að benda á þetta ítrekað síð­ustu ár, sem og annað fatlað fólk. Eftir atvikið í gær hef ég óskað eftir fundi með fram­kvæmda­stj. og stjórn strætó. Krafan er að fá óað­gengi­lega vagna af göt­unni strax!”