Dómarinn hljóðaði þegar jarðskjálftinn kom – Magnús hundeltur

Harðar deilur standa fyrir dóm­stólum vegna skuldar Magnúsar Garð­ars­son, fyrr­ver­andi fram­kvæmdast­hjóra United Silicon. Arion­banki hefur ákaft leitað Magnúsar á Íslandi og í Danmörku og á Spáni til að birta honum stefnu. Á end­anum birti bank­inn aug­lýs­ingu í Lög­birt­ingi. Mál­flutn­ingur var fyrir und­ir­rétti í sein­ustu viku. Við­skipta­blaðið var á staðnum og lýsti mál­flutn­ingi og vörn. Skondin upp­á­koma varð þegar verj­andi Magnúsar hélt ræðu sína.

„ …Umbjóð­andi minn mátti rétti­lega halda að bank­inn hefði fallið frá veð­inu eða hefði hætt til­raunum til að fulln­usta skuld­ina hjá TDÍ. Hvað sem líður til­raunum til stefnu­birt­inga erlendis þá skil­uðu þær sér ekki til hans og honum var ekki kunn­ugt um þær. Af þeim sökum ættu krafan og ábyrgðin að telj­ast niður fallin,“ sagði hann en í miðri ræðu lög­manns­ins reið yfir jarð­skjálfti með þeim afleið­ingum að dóm­ari máls­ins hljóð­aði eilítið.

Ingvar Ásmunds­son lög­maður hafn­aði því alfarið að fella ætti niður skuld Magnúsar vegna tóm­lætis bank­ans.

„Hvað rök­semdir um tóm­læti varðar þá verður ekki horft fram­hjá því að það er búið að hund­elta hann um alla Evrópu með það að marki að stefna honum. Það að við erum stödd hér, á þessum tíma­punkti, stjórn­ast af aðgerðum stefnda sjálfs,“ sagði hann.

Grein Við­skipta­blaðs­ins má lesa í heild sinni hér.