Svikamyllan komin aftur á kreik: „ Ég varð að deila þessu með vinum mínum”

Ríflega þriggja ára svika­mylla sem mis­notar nafn og and­lit Ólafs Jóhanns Ólafs­sonar, aðstoð­ar­for­stjóra Time Warner og rit­höf­unds, er komin aftur á kreik á Facebook. Nokkrir Íslend­ingar hafa orðið fyrir þeirri ólukku að lenda í svika­myll­unni og deila á Facebook færslu þar sem segir: „Ólafur Jóhann veitir öllum íbúum Íslands fjár­hags­legt frelsi”

RÚV fjall­aði um þessa sömu svika­myllu fyrir þremur árum. Þá sagði Ólafur: „Þarna er verið að nota nafnið mitt í ein­hverja svika­myllu og það dregið inn til að reyna blekkja fólk. Hvað mig varðar er þetta ekk­ert skemmti­legt en aðal­málið er að koma í veg fyrir að ein­hver bíti á agnið, að skúrk­arnir nái að blekkja ein­hvern.“ 

Ólafur seg­ist ekki einu sinni vera á Facebook en fyrir þremur árum fór hann fram á að Facebook gerði eitt­hvað í þessu. Hann sagði enn fremur að hann myndi aldrei mæla með kaupum á Bitcoin, líkt og svika­hrapp­arnir virð­ast gera. 

Það er ekki nóg með að svika­myllan taki fyrir hendur fólks á Facebook heldur ná ódám­arnir að skrifa athuga­semdir við færsl­una í nafni fólks. Í til­viki eins Íslend­ings sem lenti í þessu í dag virð­ist hann skrifa: “Afsakið trufl­un­ina með merk­ing­unum en ég varð að deila þessu með vinum mínum… Ef ein­hver hefur áhuga á appi sem græðir pen­inga fyrir þig á lög­legan hátt, er þetta áhuga­verður lestur. Ég fékk leið­sögn í gegnum öll skrefin frá full­trúa. Það er mér ánægja að segja að þetta virk­aði frá­bær­lega fyrir mig! Inn­eignin mín hefur hækkað um 275% hingað til”.  

Rétt er að vara alla við að smella á færslur sem þessar.