„Meira bull ástandið í þessu klikkaða þjóðfélagi“

Fæstir fagna fréttum um að stjórn Orku­veitu Reykja­víkur hafi ákveðið að hækka laun Bjarna Bjarna­sonar, for­stjóra fyr­ir­tæk­is­ins, enn meira. Nema þá hann sjálfur en nú fær hann 2,87 millj­ónir króna á mán­uði. Sólveig Anna Jóns­dóttir, for­maður Eflingar, segir þetta enn eitt dæmið um bullið í klikk­uðu þjóð­fé­lagi:

„Stétt­skipt­ingin og mis­skipt­ingin vaxa og dafna í sam­fé­lag­inu okkar. Póli­tíkin gerir ekk­ert til að stoppa þá þróun. Reynir það ekki einu sinni. Og gjáin á milli þeirra sem eiga og mega, og þeirra sem fær­ast neðar og neðar í grimmi­legu stig­veldi stétt­skipt­ing­ar­innar verður sífellt stærri. Fjár­magnið er stöðugt fært til þeirra sem hafa það ein­stak­lega gott sam­kvæmt öllum sammann­legum mæli­kvörðum, á meðan hræði­legur skuggi pen­inga­leysis liggur yfir hinum valda­lausu. Eins og hinn góði og mildi Edouard Louis skrifar um franskt yfir­vald í bók­inni um sinn fátæka föður: Þau (valda­stéttin) halda að þau fátæku séu of rík og hin ríku ekki nógu rík.“

Hún segir þetta ein­fald­lega galið. „Ástandið er fárán­legt. Hug­mynda­fræði valda­stétt­ar­innar er galin. Hún er full af grimmd og græðgi. Hún dýrkar stjór­ana og leitar allra leiða til að verð­launa þá um leið og hún fyr­ir­lítur þau sem engu stjórna og ekk­ert eiga, og telur þau í raun ekk­ert verð­skulda nema meiri erf­ið­leika,“ segir Sólveig.

Hún segir launa­hækkun Bjarna sýna að allt tal um ráð­deild í fjár­málum er bull og vit­leysa. „Íslensk valda­stétt hefur ekk­ert gert í þess­ari kreppu nema tryggja að hin ríku verði rík­ari og að hin alls­lausu þjá­ist. Allt röfl um ráð­deild í opin­berum fjár­málum er ekk­ert nema röfl, bull í fólki sem vill blekkja vinnu­aflið og kúga það til hlýðni með hræslu­á­róðri um að við séum öll í þessu saman og eigum öll að axla byrðar og svo fram­vegis enda­laust. Þegar að kap­ít­alistar, for­rétt­inda­hópar og með­limir borg­ara­stétt­ar­innar vilja stærri skammt af pen­ingum eru fjár­hirsl­urnar alltaf opn­aðar upp á gátt en um leið og vinnu­aflið bankar á dyrnar er öllu skellt í lás og byrjað að góla: „Ætliði að drepa Ísland?“.

Meira bull ástandið í þessu klikk­aða þjóð­fé­lagi.“