Vesturbærinn óttast varginn: „Gerði sig líklegan til að ráðast á son minn“

Íbúar í Vesturbæ Reykja­víkur er óttu­st­legnir yfir hundi sem gengur laus um hverfið. Dýrinu er lýst sem svörtu og grimmu sem hafi gert sig lík­legt að gera atlögu að gang­andi veg­far­endum.

Fjöl­margir íbúar hverfs­ins virð­ast hræddir við hund­inn og ótt­ast að hann geti skaðað börn eða önnur dýr í hverf­inu. Það er Margrét nokkur sem stofnar til umræð­unnar inni í hópi Vest­ur­bæ­inga á Facebook. Þar seg­ist hún hafa lent í hinum grimma hundi.

„Þessi grimmi hundur er laus á horni Sól­valla­götu og Fram­nes­vegar. Hann gerði sig lík­legan til að ráð­ast á son minn. Eigandi beð­inn um að sækja hann og passa að hann sleppi ekki aftur,“ segir Margrét.

Þetta er ekki í fyrsta sinn sem Vest­ur­bæ­ingar ótt­ast þennan hund. Kári kann­ast vel við hvutta. „Ég setti inn inn­legg um hann fyrir 2 dögum, sá hann á sama stað. Hann var einnig nokkuð skelk­aður og tók á rás á móti mér með grimmi­legu urri. Eigandi þarf vin­sam­leg­ast að girða í brók!,“ segir Kári.

Þór er ekki sáttur. „Þetta er í annað sinn à stuttum tíma sem kvartað er yfir þessum grimma hundi lausum hèr. Þarf ekki bara að fà lög­regl­una í màlið àður en hann drepur smàhund eða ræðst à barn? Þetta gengur ekki svona,“ segir Þór ákveð­inn. Og Árni er sam­mála. „Lausa­ganga hunda er hættu­leg fólki,“ segir Árni.

Halldóra segir ástandið óboð­legt. „Fyrir utan hætt­una með til­liti til barna sem ætla að klappa hund­inum í góðri trú, þà þarf að taka til­lit til þeirra sem hafa verið bitnir alvar­lega af hundum – það er ekk­ert meira trig­ger­andi og traumat­ískt fyrir þà ein­stak­linga, en að að sjà lausan, aggressí­van hund. Auðvitað eigum við að til­kynna það þegar hundur gerir sig lík­legan til að ráð­ast á barn. Kemur því ekk­ert við hvað hundar eigi allt gott skilið; eða hvað?,“ spyr Halldóra.