Guðmundur Felix Grétarsson, sem sjálfur kallar sig handhafa eftir að á hann voru græddir nýjir handleggir í janúar, er í skýjunum eftir helgina. Þá fékk hann loksins að hitta hundana sína tvo eftir tveggja mánaða aðskilnað.
Af því tilefni ritaði Guðmundur Felix sérstaka færslu á Facebook í gær, þar sem hann er duglegur að uppfæra Íslendinga um stöðu mála, og birti þar mynd af fagnaðarfundunum. Erfitt var að sjá hvor væri ánægðari, Guðmundur Felix eða hundarnir. Með færslunni skrifar hann:
„Hitti loðnu börnin mín eftir tvo mánuði í sundur.“
Guðmundur Felix er sá fyrsti í heiminum til að fá grædda á sig handleggi annars manns og var það gert nákvæmlega 23 árum eftir að hann missti báða hendleggi sína í slysi. Hann er nú farinn í endurhæfingu á annað sjúkrahúsð í Lyon. Hann er því farinn af Édouard Herriot-sjúkrahúsinu í Lyon þar sem hann hefur dvalið síðastliðnar vikur eftir aðgerð.+
Guðmundur Felix fagnaði á dögunum sex vikna afmæli nýju handanna sem á hann voru græddar í einstakri aðgerð á heimsvísu. Með þeim áfanga runnu hann og hendurnar formlega saman þar sem liðamót og vöðvar hafi á þessum vikum náð að græðast.
Athugasemdir