Dóttir Ívars syrgir ömmu sína alla daga – Kveikt kerti í fimm ár: „Ég bara græt eins og lítið barn“

Ung dóttir Ívars Hauks­sonar, golf­kenn­ara á Spáni, átti lík­lega nán­ara sam­band við ömmu sína heitna en gengur á ger­ist. Daglega í ríf­lega fimm ár hefur hún minnst hennar á sinn hátt. Ívar rifar upp í dag á Facebook fimm ára færslu þar sem hann lýsti þessu. Í sam­tali við Mannlíf segir Ívar að Melanie litla geri þetta enn, mörgum árum síðar. Árið 2016 skrif­aði Ívar:

Ívar Hauksson.

„Á hverjum ein­asta degi kveikir hún Melanie, sem er ekki nema 7 ára, á kerti til að minn­ast  ömmu sinnar og gefur henni einn fing­ur­koss á mynd­ina og kertið er alltaf fjólu­blátt litur sem var upp­á­halds­litur mömmu. Þrátt fyrir að hafa ekki hitt hana oft þá talar hún um hans nán­ast dag­lega því hún hefur bara góðar minn­ingar um hana og allt sem amma gaf henni hefur hún ofan á rúm­inu sínu á hverjum ein­asta degi. Þetta lýsir því best hvernig hún tækl­aði hana þegar hún sá hana.“

Móðir Ívars hefur ber­sýni­lega verið ein­stök kona. Fyrir fimm árum orð­aði Ívar það svo: „Hvar sem mamma kom skildi hún eftir ógleym­an­legar minn­ingar. Mikið óskap­lega sakna ég þín elsku mamma mín og enn þann dag í dag á ég mjög erfitt með að sætta mig að ég geti ekki hringt í þig né hitt né séð, að eiga ekki mömmu er eitt­hvað sem mér finnst ein­hvern veg­inn að eigi ekki að vera þannig, ég elska þig til himna og til baka aftur elsku mamma.“

Ívar segir að til­finn­ingar þeirra feðgina hafi lítið kulnað þó árin hafa liðið. „Mamma var mjög sér­stök í sam­skiptum við stelp­urnar mínar. Þetta með að tím­inn lækni öll sár er ég ekki að kaupa, því enn þann dag í dag þyrmir yfir mig stundum og stundum verð ég að stoppa bíl­inn út í kanti og ég bara græt eins og lítið barn.“

Melanie hefur kveikt kerti við mynd­ina dag­lega í mörg ár. Myndin er sú sem sjá má hér fyrir ofan.