Sigmundur Davíð Gunnlaugsson, formaður Miðflokksins, þykir af mörgum vera einn sá frumlegasti í hugsun. Innlegg hans er á stundum stórbrotin en eins og gengur hjá göldnum fola á hann það til að stökkva útundan sér rétt eins og gerðist á Klausturbar þar sem hann og félagar hans misstu sig í drykkjurausi. Eitt af hjartans málum Sigmundar Davíðs er að Geir H. Haarde, fyrrverandi forsætisráðherra, og samráðherrar hans verði beðnir afsökunar af Alþingi vegna þess að þingið sendi þá fyrir Landsdóm sem dæmdi Geir sekan um embættisafglöp. Refsingin var skilorðsbundin. Næst gæti Sigmundur krafið Alþingi eða lögregluna um að biðja Árna Johnsen afsökunar á því að honum skyldu vera stefnt fyrir dóm en Hæstiréttur dæmdi hann sekan um mútuþægni og þjófnað en fram hefur komið að Árni telur að um hafi verið að ræða samsæri gegn sér …
Athugasemdir