Laufey er kvíðasjúklingur og leikur slíkan á móti stórstjörnu: „Ég var pínu smeyk við hann fyrst“

„Við erum er hrika­lega montin af þess­ari mynd,“ segir Laufey Elí­as­dóttir leik­kona en á föstu­dag­inn næst­kom­andi verður ný íslensk kvik­mynd, Þorpið í bak­garð­inum, frum­sýnd.

Leik­ara­hóp­ur­inn er ákaf­lega áhuga­verður. Auk Lauf­eyjar, sem leikur aðal­hlut­verkið, leika bæði systir hennar, Sóley og Eygló Hilm­ars­dóttir, dóttir Sóleyjar, frænka Lauf­eyjar í mynd­inni. Laufey segir það hafa verið virki­lega skemmti­legt að vinna með sínum nán­ustu og hún væri vissu­lega til í að end­ur­taka leik­inn.

Aðalkarlleikarinn úr Game of Thrones

Aðal­karl­hlut­verkið er í höndum Tim Plesters en hann er heims­þekktur fyrir leik sinn í myndum á borð við Bohemian Rhapsody og hugs­an­lega vin­sæl­ustu þátta­röð allra tíma, Game of Thrones.

Tim Plester í hlut­verki sínu.

Að sögn Lauf­eyjar er um ein­stak­lega fal­lega sögu að ræða. Myndin fjallar um Brynju, sem er nýbúin að missa pabba sinn. Þá kemur inn í líf hennar móðir hennar (Sóley Elís­dóttir) sem yfir­gaf hana fimm ára gamla svo og nýfædda systur hennar.  Brynju, sem er kvíða­sjúk­lingur, finnst end­ur­fund­irnir við móðir sína yfir­þyrm­andi og flytur inn í lít­inn kofa fyrir utan Reykja­vík. Þar kynn­ist hún Breta (Tim Plester) sem er að eiga við sinn eigin harm­leik.

14 dimmir dagar

Myndin var tekin í Lauf­skógum í Hvera­gerði á 14 dögum í des­em­ber síð­ast­liðnum.

„Það var myrkur næstum allan sól­ar­hring­inn en vegna þess hvað við höfðum dásam­legt tökulið tókst okkur þetta án þess að nokkur vand­ræði kæmu upp. Allt small saman þrátt fyrir að um „low budged„ mynd sé að ræða, stuttan upp­töku­tíma og við fengjum borgað seint og síðar meir“ segir Laufey og hlær.

Af töku­stað

Laufey segir erfitt að eiga við jafn dramat­ískt hlut­verk og hlut­verk Brynju en hún hafi und­ir­búið sig vel, kynnt sér karakt­er­inn og sett sig inn í huga Brynju.

„Sjálf er ég kvíða­sjúk­lingur, eins og Brynja er í mynd­inni svo ég þekki það. Ég var til dæmis alveg lömuð af kvíða fyrir frum­sýn­ing­una í gær en í dag er ég miklu betri, hlakka til og er stolt og montin.“

Laufey hefur lært að takast á við kvíð­ann, vinna í sjálfri sér og læra að þekkja hvenær hann sé að laum­ast að. „Þá býð ég honum bara í kaffi og bið hann svo um að fara!“  Hún er einnig á lyfjum sem hafa hjálpað mikið auk þess sem hún er löngu hætt að neyta áfengis sem hún not­aði til sjálfs­deyf­ingar fyrir mörgum árum.

RUBBISH!

En hvernig var að vinna með stór­stjörnu á við Tim?

„Ég var pínu smeyk við hann fyrst en svo ákvað ég bara að bjóða honum í sund sem honum fannst pínu skrítið en geð­veikt gaman og við urðum góðir vinir í kjöl­farið. Við settum yfir­leitt tón­list í botn í bílnum þegar við vorum að keyra og sungum hástöfum með“ segir Laufey kímin.

Laufey og Tim spá og spek­úlera.

Myndin heitir Backyard Village á ensku og er þegar búið að bóka hana á Santa Barbara International Film Festival í byrjun apríl sem Laufey finnst afar skemmti­legt og síðan er fram­tíðin spenn­andi og óskrifað blað.

Tim hefur farið í þó nokkur við­töl erlendis vegna mynd­ar­innar svo hún er þegar farin að  vekja athygli. Hann kveðst afar hreyk­inn af mynd­inni og þátt­taka hans í henni sé eitt það sem hann sé hvað stolt­astur af á sínum leik­ferli.

Nú kemst Tim ekki á frum­sýn­ing­una vegna Covid tak­mark­ana. Hvað finnst honum um það? „RUBBISH!!“