Baldur Freyr Einarsson, Framkvæmdastjóri Lausnarinnar, fjölskyldu- og áfallamiðstöðvar og forstöðumaður Catch the Fire kirkjunnar, segir alla karlmenn verða að taka ábyrgð á heimilisofbeldi, bæði þurfa menn að grípa inn í og gerendur að leita sér hjálpar. Baldur þekkir heimilisofbeldi vel því hann hefur tvisvar á ævinni þurft að búa í Kvennaathvarfinu.
Sú reynsla hefur vafalaust spilað inn í að ungur leiddist hann út á glæpabraut sem endaði með dómi árið 2003 fyrir stórfellda líkamsárás. Sú árás dró ungan mann til dauða. Baldur þó síðan þá náð ákveðni endurlausn en þeir eru ófáir sem hann hefur hjálpað að ná edrúmennsku. Á Facebook segir hann karlmenn í heild verða að taka ábyrgð á heimilisofbeldi.
„Heimilisofbeldi er oft falið og ekki ávarpað út af einhverskonar ótta við viðragð þolandans eða gerandans. Ég bjó við svona ofbeldi sem „allir vissu af“ en enginn gerði neitt í. Ég þurfti tvisvar á ævinni að búa í kvennaathvarfinu. Við karlmenn erum oftast gerendur á þessari tegund af ofbeldi. Það er til hjálp fyrir karlmenn sem gera svona, tökum ábyrgð leitum okkar hjálpar! Það er ekkert sem réttlætir að beita makann sinn ofbeldi!,” segir Baldur.
Í samtali við Mannlíf segist hann hafa búið á kvennaathvarfinu em barn. Hann er nú að skrifa ævisögu sína og birtir reglulega búta úr henni á sérstakri síðu á Facebook. Hann deilir eftirfarandi bút í dag sem er frásögn af atburði sem hann varð vitni af.
„Þegar hann svo kom fram að morgni næsta dags og sá hana sitja við eldhúsborðið með ummerki þeirra í andlitinu s.s glóðaraugu, fleiður og jafnvel sprungna vör, varð honum oft og iðulega að orði: “ XXXXXX, þú ert ógeðsleg í framan!!! For Petes sake!! Málaðu þig eða settu upp sólgleraugu manneskja!!!“
Athugasemdir