Aðstoðarmaður landlæknis útilokar ekki að bólusettir ferðamenn geti smitað

Það er ekki 100% öruggt að þeir sem hafi verið bólu­settir gegn COVID-19, smiti ekki, en nú fá ferða­menn frá löndum utan Schengensvæðisins að koma til Íslands ef þeir eru með bólu­setn­ing­ar­vott­orð.

Undir þetta tekur Kjartan Hreinn Njálsson, aðstoð­ar­maður land­læknis, í sam­tali við Mannlíf.  Kjartan telur þó litlar líkur á því.

„Það er talið ólík­legt að þeir sem hafa verið bólu­settir við COVID-19 beri smit í aðra. Einkum eru það rann­sóknir sem gerðar hafa verið í Ísrael sem virð­ast sýna fram á þetta og eru þær í sam­ræmi við það sem þekk­ist varð­andi bólu­setn­ingu við öðrum sam­bæri­legum smit­sjúk­dómum.“

En sam­kvæmt upp­lýs­ingum Mannlífs eru engar rann­sóknir til sem hafa sýnt fram á að bólu­setn­ing komi alfarið í veg fyrir smit.

Samkvæmt upp­lýs­ingum frá Miðstöð sjúk­dóma­eft­ir­lits og sjúk­dóma­varna (CDC) hjá heil­brigð­is­ráðu­neyti Banda­ríkj­anna hafa bólu­efnin sýnt góðan árangur við að koma í veg fyrir smit en vís­inda­menn séu enn að kanna dreif­ing­ar­leiðir vírus­ins.

Svo ekki er unnt að full­yrða neitt enn.