„Ég fæ enn kökk í hálsinn og tár í augun þegar ég sé myndir af þessum fallega og góða dreng“

Felix Bergsson syrgir frænda sinn Bergur Snær Sig­ur­þóru­son á Facebook en í dag eru fimm ár síðan hann lést. Bergur var 19 ára gam­all þegar hann svipti sig lífi í mars árið 2016. For­eldrar hans telja að það hafi ekki hjálpað honum and­lega þegar sak­sókn­ari felldi niður mál gegn manni sem beitti hann kyn­ferð­is­legu ofbeldi.

Blessuð sé minn­ing Bergs.

Felix segir Berg hafa verið fal­legan og góðan dreng. „Í dag eru fimm ár frá því að elsku Bergur Snær kvaddi okkur. Ég fæ enn kökk í háls­inn og tár í augun þegar ég sé myndir af þessum fal­lega og góða dreng sem hafði svo mikið að lifa fyrir en sá ekki leið út úr örvænt­ing­unni. Hann var elsk­aður. Hans er sárt saknað. Hugsa til Siggu, Rúnars, Mar­grétar, Eyjólfs Felix og mömmu og pabba á þessum degi. Missir þeirra var og er svo mik­ill,“ segir Felix og bætir við:

„Ég hvet alla til að styrkja Bergið (bergid.is) og Pieta sam­tökin (pieta.is) í minn­ingu allra þeirra sem glímdu við erf­ið­leika og þurftu aðstoð en komust ekki í höfn. Við skulum standa saman um börnin okkar.“

Rætt verður við móður Bergs heit­ins í ein­lægu kvöld­við­tali Mannlífs í kvöld.