Allt varð vitlaust þegar auglýstir voru til sölu tveir minkaskinnstreflar í Facebook hópnum Brask og brall. Má segja að Knútur sem auglýsti treflana hafi heldur betur fengið á baukinn.
Knútur skrifar: „Tveir minkaskinnstreflar. Gullfallegir. Óskað er eftir tilboði í PM“ og með fylgir mynd af treflunum.
Sigríður Inga spyr Knút: „Voru þeir aflífaðir með þeim hætti sem er skráð í dýraverndunarlögum ? Ef þeir áttu heima í búrum er það skelfileg tilvera fyrir þessi elskulegu dýr.“
Laufa nokkur er þó ekki sammála að hægt sé að kalla minka elskulega: „Elskulegir“?? Svona kvikindi kom inn í hús og drap ALLAR Kanínurnar mínar á viðbjóðslegan hátt fyrir nokkrum árum.“
Kolbrún spyr: „Er ekki löngu komið úr tísku að skreyta sig með hræjum?“
Og annar spyr: „Voru þeir aldir upp á lífrænni fæðu? Er að spyrja fyrir vin.“
Eva segir: „Oj maður“ og Guðrún: „Ulla bjakk“
„Ég veit að minnkar eru rándýr en mín fyrrverandi var líka rándýr en það þýðir ekki að það megi breyta henni í trefil….“ skrifar Júlíus
Sverrir nokkur skrifar að það beri þetta enginn í dag og segir þetta þykja asnalegt.
Eins og sést hér að ofan voru umræðurnar orðnar ansi skrautlegar og fylgdist Guðmundur spenntur með og spyr: „Hvenær er hlé? Þarf að kaupa nammi fyrir seinni hlutann.“
Erlendi þykir hins vegar nóg um: „Hvaða helvítis röfl og tuð er þetta í fólki hér. Maðurinn er bara að selja þessa trefla. Er það eitthvað flókið?? Þreytandi hvað fólk er heimskt. Tuðandi yfir öllum sköpuðum hlutum.“
Tobbi skrifar: „Allir þessir svokölluðu dýravinir hljóta að ganga bara í gúmmískóm og strigapokum.“
Hvort treflarnir eru seldir er ekki vitað.
Athugasemdir