Jónmundur fyrrverandi bæjarstjóri Seltjarnarness ákærður fyrir stórfelld fjársvik

Fyrr­ver­andi fram­kvæmda­stjóri Sjálf­stæð­is­flokks­ins og bæj­ar­stjóri á Sel­tjarn­ar­nesi, Jón­mundur Guð­mars­son hefur verið ákærður fyrir meiri háttar brot gegn skatta- og bók­halds­lögum. DV greinir frá.

Segir í ákærunni að Jón­mundur hafi skilað inn efn­is­lega röngum skatt­fram­tölum sam­lags­fé­lags sem er 99% í hans eigu.
Má álykta að hann hafi kom­ist hjá því að borga allt að 19 millj­ónir í skatt­greiðslu. En á árunum 2014-2015 greiddi Polygon, félag Jón­mundar, 93.358.753 krónur til félags­ins Kennel Consulting Ltd, sem skráð er með aðsetur í Þýska­landi. Eru þau útgjöld sögð til­hæfu­laus í ákærunni.
Segir að með því að auka bók­færð rekstr­ar­gjöld hafi félagið dregið úr hagn­aði sem dregur úr tekju­skatts­stofni. En á Íslandi er tekju­skattur sam­lags­fé­laga 20%.

Er Jón­mundur einnig sagður hafa látið Polygon greiða fyrir vörur og þjón­ustu sem var rekstri félags­ins algjör­lega óvið­kom­andi.

Hér að neðan má sjá þær færslur sem sagðar eru nema í heild 94.951.819 krónum:

2014:
Franch Michelsen ehf. – 49.500 kr.
World Class Iceland – 116.480 kr.

2015:
Svefn og heilsa (fyrn­ing skráð á rekstr­ar­reikn­ing félags­ins) – 266.268 kr.
Samsung setrið (fyrn­ing skráð á rekstr­ar­reikn­ing félags­ins) – 194.758 kr.
Elko – 74.990 kr.
Franch Michelsen ehf. – 48.065 kr.
Samsung setrið – 16.065 kr.
Harpa tón­list­ar­hús – 71.920 kr.
Síminn – 213.685 kr.

2016:
Hugo Boss – 188.916 kr.
Herra­garð­ur­inn Kringl­unni – 52.752 kr.
Svefn og heilsa (fyrn­ing skráð á rekstr­ar­reikn­ing félags­ins) – 173.074 kr.
Samsung setrið (fyrn­ing skráð á rekstr­ar­reikn­ing félags­ins) – 126.593 kr.

Í dag starfar Jón­mundur fyrir Kviku eigna­stýr­ingu, en sam­kvæmt heim­ildum DV er hann hvergi að finna á listum yfir starfs­menn Kviku og var hann sagður vera í orlofi, sem þó útskýrir ekki hví hann er ekki að finna á neinum starfs­manna­lista.