Sigurður var alltaf glaður og brosandi með myndavélina: „Ljúfur drengur sem missir er að“

Sigurður Jónsson, KR-ing­ur­inn glað­lyndi sem iðu­lega var mættur á völl­inn með mynda­vél­ina við hönd þurfti að lúta í lægra haldi í bar­áttu sinni við krabba­mein.
Hann lést á krabba­meins­deild Land­spít­al­ans þann 27. mars síð­ast­lið­inn.

Menn minn­ast Sigurðar með fal­legum orðum á stuðn­ings­manna síðu KR-inga á Facebook. Augljóst er að hann gaf mikið af sér til félags­ins og var bros­andi hverjum sem hann mætti.

Blessuð sé minn­ing Sigurðar.

„Sigurður Jónsson er lát­inn KR-ingar muna eftir Sigga, glöðum og bros­andi með mynda­vél­ina á flestum við­burðum fót­bolt­ans. Blessuð sé minn­ing Sigga,“ skrifar Guðjón. Hann heldur áfram og segir að fram­tíð­ar­sjóð­ur­inn muni útbúa minn­ing­ar­skjal um Sigga og senda aðstand­endum með kveðju frá þeim sem vilja minn­ast hans. Margir KR-ingar hafa fallið frá að und­an­förnu og skrifar Guðjón: „Það eru hoggin mörg skörð í raðir sannra KR-inga um þessar mundir, Páll Guð­munds­son, Aðal­steinn Dalmann og Biggi Harðar, sem nýlega var jarð­settur í kyrr­þey. Blessuð sé minn­ing þeirra allra.“

„Ég hitti þennan höfð­ingja oft í GR þar sem hann starf­aði á sumrin sem ræsir. Sannur KR-ingur og gaman að spjalla við hann. Blessuð sé minn­ing hans,“ skrifar Þórir.

Lýsir Þórður Sigurði sem ljúfum dreng og segir mik­inn missi vera að. „Hann gaf sér alltaf tíma í vanga­veltur um stöðu KR þegar við hitt­umst í GR umhverf­inu,“ skrifar hann.