Guðný syrgir Daníel sem var myrtur um helgina: „Hjartað þitt vildi ekki hætta að slá“

„Elsku besti litli bróðir minn. Ég vil ekki trúa að þú sért far­inn frá okkur. Þetta er svo ósann­gjarnt og óraun­veru­legt… Þú áttir þetta ekki skilið. Sakna þín svo mikið strax.“

Þetta skrifar Guðný Sigríður Eiríks­dóttir en bróðir hennar lést um helg­ina eftir hrotta­lega árás sem lög­regla rann­sakar sem morð. Guðný skrifar fal­leg minn­ing­ar­orð um Daníel á Facebook en hún hefur gefið Mannlífi góð­fús­legt leyfi til að end­ur­birta þau. Hún segir í sam­tali við Mannlíf að Daníel hafði staðið sig vel und­an­farið og var líkt og klettur fyrir marga, alltaf boð­inn og búinn til að hjálpa öðrum.

Guðný segir Daníel hafa verið klett hennar og nú eigi hún erfitt með að hugsa til þess að geta ekki hringt í hann. „Elsku Daníel minn þú máttir ekk­ert aumt sjá & alltaf varstu til­bú­inn til að hjálpa öllum. Það kom þér stundum í vand­ræði og þú mættir alltaf ósigr­andi til leiks. Þú varst svo hraustur með ótelj­andi líf! Hjartað þitt var úr gulli og þú barð­ist fyrir líf­inu þínu. Hjartað þitt vildi ekki hætta að slá. Þú þráðir svo heitt að lifa eðli­legu lífi elsku Daníel minn og stóðst þig eins og hetja. Þú varst klettur fyrir svo marga síð­ustu mán­uði,“ segir Guðný.

Hún segir að þau hafi ávallt verið náin systk­ini og hún stolt af honum. „Margir sem sáu ekki sól­ina fyrir þér. Ég var svo stollt af þér yndið mitt. Það var æðis­legt að sjá þig svona ham­ingju­saman og þú blómstraðir með Liljunni þinni. Þið áttuð svo fal­legt sam­band og voruð algjörar sam­lokur. Þú varst alltaf til staðar fyrir hana og son hennar. Ég ligg alveg dofin upp í rúmi og skoða myndir af þér í sím­anum mínum,“ segir Guðný.

Hún segir þau hafa átt margar góðar stundir saman. „Ó hvað við áttum margar góðar minn­ingar saman. Það var alltaf stutt í grínið þegar við vorum saman. Sakna þess að þurfa skutla þér útum allt, kíkja í lunch og fá okkur kaffi­bolla. Allar Florida ferð­irnar með mömmu & pabba eru efst í huga. Við vorum með svo mörg fram­tíðar plön saman elsku Daníel minn. Draum­ur­inn þinn var að verða ríkur business kall. Svo erfitt að hugsa til þess að ég muni ekki getað hringt í þig lengur. En ég veit að þú vakir yfir okkur & heyrir í okkur.“

Guðný seg­ist að lokum muna elska hann að eilífu. „Það verður erf­ið­ast í heimi að útskýra fyrir Gabríelu & Benjamín að þú sért far­inn upp til himna. Þau munu sakna þín svo mikið. Þau litu svo upp til þín stóri besti upp­á­halds frændi. Þú elskaðir þau svo mikið & þau elsk­uðu þig. Er svo þakk­lát fyrir fal­legu kveðju­stund­ina sem við áttum með þér. Hvíldu í friði elsku litli bróðir minn. Elska þig að eilífu.“