Bubbi og Jakob Bjarnar takast á um sóttvarnir: „Þið kóvidar verðið að fara að slaka á“

„Sæll og bless­aður herra Orwell. Ég held að þið kóvitar verðið aðeins að fara að slaka á,“ segir Jakob Bjarnar Grét­ars­son í svari við færslu sem Bubbi Morthens skrif­aði á Facebook. Þeir félagar er báðir fyrir að hafa skoð­anir á hlut­unum og hika ekki við að tjá sig um þær.

Núna eru þeir á önd­verðum meiði. Færsla Bubba er eft­ir­far­andi:

„Miðað við viðbrögð sumra um að réttur þeirra til þess að smita mögulega aðra vegi þingra en almanna heilli Segir mér við gætum átt lokað sumar framundan en samt vona maður það besta.“

Jakob er fljótur til and­svara, telur brotið á fólki, og segir: „Þú ert nú eig­in­lega búinn að snúa þessu á haus. Hér er um að ræða að frelsi fólks er skert á þeim for­sendum að ein­hverjir hafi brotið reglur um sótt­kví. Gerir þú þér grein fyrir því hvað þetta þýðir? Ég skal taka af þér ómakið: Þessar for­sendur þýða tak­marka­lausar vald­heim­ildir til frels­is­svipt­inga. 1984 góðan dag­inn. Sæll og bless­aður herra Orwell. Ég held að þið kóvitar verðið aðeins að fara að slaka á.“

Bubbi tekur því ekki þegj­andi frekar en öðru og svarar Jakobi: „Rólegur, við erum í miðum heims far­aldri og þetta eru ýktar aðstæður og mér getur ekki verið meira sama um fólk sem þarf að dvelja i 5 daga á hót­eli. Við erum í miðjum ham­förum vinur.“

Erling stekkur á vagn­inn í umræð­unni og tekur undir með Bubba: „Meistari Jakob, til lukku með dag­inn, það ert þú sem snýrð þessu á haus með kóvit­ana, kóvitar eru þeir sem vita allt betur en Þórólfur. Það er Þórólfur sem er að brasa við að gera sótt­kví þannig úr garði að hún haldi fyrir vit­leys­ingum, Orwell er alveg sall­ar­ó­legur yfir þessu og sendir þér afmælis­kveðju.

Jakob Bjarnar þakkar kveðj­una en segir orðið eiga betur við um þá sótt­hræddu sem séu viti sínu fjær.

Hreiðar á dóttur sem var í sótt­kví erlendis og er með skoð­anir á þessu: „Það kann að koma á óvart en alþjóð­legar sótt­varnir snú­ast ekki um það hvort Jakob Bjarnar Grét­ars­son er hræddur eða ekki. Allir Íslend­ingar hafa misst frelsi vegna far­ald­urs­ins. Þessir örfáu vælu­kjóar, sem fá mestu athygl­ina núna, eru trú­lega ein­stak­lingar sem fengu for­gang að bólu­efni og urðu sam­stundis bæði óhræddir við sjúl­dóm­inn. Það á alla­vega við um þennan eina sem ég þekki í hópnum sem nú er fyrir dómi.“ Og Hilmar segir Íslend­inga mega þakka fyrir frelsið. „Sums staðar er útgöngu­bann. Ekki viljum við það.“En Jakob er ekki af baki dott­inn og stendur fast á sínu. „The devil is in the details. Þetta snýst um prinsipp. En ég geri ekki þá kröfu að fólk sem heldur að þetta snú­ist um að vor­kenna fólki að vera læst inná hót­el­her­bergi skilji það.“Einar Ingi tekur undir með Bubba og bendir á að um þjóðar­ör­ygg­is­mál að ræða því það vilji gleym­ast. „Gerið sjálfum ykkar greiða og gúggliði „International Law National security“ og ekki orð um það meir.