Fullyrða að Svandís hafi ekki kannað lögmæti skylduvistunar í sóttkvíarhúsi

Efa­semdir eru uppi um að Svandís Svav­ars­dóttir heil­brigð­is­ráð­herra hafi kannað laga­stoð reglu­gerðar um skyldu­vistun á sótt­kví­ar­hót­eli sem síðar var dæmd ólög­mæt fyrir dóm­stólum. Þetta er full­yrt í Morg­un­blað­inu í dag.

Það var loks í gær sér Svandís lét undan þrýst­ingi og afhendi loks þau gögn sem lágu til grund­vallar reglu­gerð­inni um skyldu­vist­un­ina. Afhendi hún gögnin til vel­ferð­ar­nefndar Alþingis en fór jafn­ramt fram á það að gögnin færu ekki úr nefnd­inni því þar væru að finna trún­að­ar­sam­skipti milli emb­ætt­is­manna sem ættu ekki erindi til almenn­ings.

Samkvæmt heim­ildum Morg­un­blaðs­ins er útlit fyrir að Svandís og hennar fólk hafi ekki leitt hug­ann að full­nægj­andi laga­stoð regl­ur­gerð­ar­innar fyrr en rétt undir það síðsta þegar reglu­gerðin tók gildi. Þannig virð­ist engin lög­fræði­leg grein­ing á vegum heil­brigð­is­ráðu­neyt­is­ins hafa átt sér stað á meðan reglu­gerðin var í vinnslu. Engu að síður tók reglu­gerðin gildi og stjórn­völd fram­fylgdu henni.

Eins og frægt er orðið var reglu­gerðin svo dæmd ólög­mæt á páska­dag og dóm­ur­inn síðan stað­festur í Lands­rétti. Ekki aðeins þótti reglu­gerðin án laga­stoðar í sótt­varn­ar­lögum heldur þótti hún líka bjórta gegn stjórn­ar­skránni vegna frels­is­skerð­ingar fólks.