Næstum enginn vill tilslakanir á landamærum: Jóhann segir „algera óeiningu innan stjórnarliðsins“

Jóhann Páll Jóhanns­son, fram­bjóð­andi Sam­fylk­ing­ar­innar og fyrr­ver­andi blaða­maður, segir ljóst að rík­is­stjórnin er að fara þvert gegn vilja lands­manna hvað varðar sótt­varn­ar­að­gerðir á landa­mærum. Óeining innan stjórn­ar­liðs­ins sé hins vegar að setja sum­arið í hættu.

„Hér sjáum við hlut­fall þeirra sem vilja harð­ari sótt­varn­ar­að­gerðir á landa­mærum sam­kvæmt könnun Félags­vís­inda­stofn­unar Háskóla Íslands. Ef rýnt er betur í gögnin má sjá að hátt í helm­ingur vill „mun harð­ari aðgerðir“ á landa­mærum, 18 pró­sent vilja óbreytt ástand og innan við 3 pró­sent vilja til­slak­anir. 97 pró­sent treysta sótt­varna­lækni sem hefur einmitt talað fyrir hertum sótt­vörnum á landa­mærum, og mun fleiri eru óánægðir heldur en ánægðir með áform rík­is­stjórn­ar­innar um að taka upp lita­kóð­un­ar­kerfi við landa­mærin þann 1. maí þvert á vilja sótt­varna­læknis,“ segir Jóhann Páll og deilir mynd­inni sem má sjá hér fyrir neðan.

Hann segir svo að páska­frí Alþingis skjóti skökku við. „Það ríkir sem­sagt nokkuð breið sam­staða meðal lands­manna um nauð­syn­legar sótt­varn­ar­ráð­staf­anir en alger óein­ing innan stjórn­ar­liðs­ins; ráð­herrar og þing­menn hafa talað þvers og kruss og Alþingi skellti sér í páska­frí án þess að tryggja að laga­grund­völlur væri fyrir þeim aðgerðum sem taldar eru áhrifa­rík­astar til að verja heilsu, frelsi og efna­hag inn­an­lands.“

Jóhann Páll spyr hvort tíma Alþingis nú sé best varið í umræðu um iðn­að­ar­hamp, svo nokkuð sé nefnt. „Í dag kemur þing saman eftir tveggja vikna frí og fjallar t.d. um reglur sem gilda um ræktun og fram­leiðslu iðn­að­ar­hamps, sölu á nikótín­vörum, raf­ræn með­mæli vegna kosn­inga, allt mik­il­væg mál­efni, en… hvernig væri samt að byrja á því að laga sótt­varna­lögin (þótt ekki væri nema með bráða­birgða­á­kvæðum sem gilda í nokkra mán­uði en eru svo end­ur­skoðuð!) og tryggja að ráð­herra hafi vald­heim­ildir til að setja reglur í takt við ráð­legg­ingar sótt­varn­ar­yf­ir­valda, hámarka þannig lík­urnar á að við getum sem flest notið sum­ars­ins?“

Flokks­systir hans, Helga Vala Helga­dóttir, skrifar svo athuga­semd: „Sjálf­stæð­is­flokk­ur­inn hefur neit­un­ar­vald í rík­is­stjórn og þess vegna kemur þetta frum­varp ekki fram.“