Pétur fékk upp í kok og birtir bréf: Samfylkingin „pólitískt jaðarsamfélag vina“ en ekki flokkur

Pétur G. Markan, upp­lýs­inga­full­trúi þjóð­kirkj­unnar, hefur sagt sig úr Sam­fylk­ing­unni eftir að hafa fylgt flokknum frá stofnun. Hann greinir frá þessu á Facebook og birtir bréf sem hann sendi flokknum í morgun. Þar segir hann Sam­fylk­ing­una ekki lengur breið­fylk­ingu heldur „póli­tískt jað­ar­sam­fé­lag vina“. Hann nefnir einnig lokað spjall flokks­ins á net­inu en sam­kvæmt lekum þaðan und­an­farið þá er engin logn­molla þar.

„Þessi póstur er búinn að vera lengi að mynd­ast hausnum á mér – hef skrifað hann margoft. Ákveðið að bíða aðeins og sjá. Ég hef verið þátt­tak­andi í Sam­fylk­ing­unni frá upp­hafi fund­ar­ins í Borg­ar­leik­hús­inu hvar Sam­fylk­ing – breið­fylk­ing jafn­að­ar­manna var stofnuð. Fór með mömmu og varð heill­aður. Fann mér stað meðal ólíkra ein­stak­linga með sömu hug­sjón – jöfnuð á breidd sam­fé­lags­ins. Hef á þeim tíma gegnt mörgum trún­að­ar­störfum fyrir flokk­inn: for­maður ungra jafn­að­ar­manna í RVK og hef setið sem vara­þing­maður Sam­fylk­ing­ar­innar á Alþingi svo eitt­hvað sé týnt til sem stendur meira upp úr en annað,“ segir Pétur í bréf­inu.

Hann seg­ist ekki lengur langa að vinna nokk­urt starf fyrir flokk­inn. „Nú hefur erindi Sam­fylk­ing­ar­innar breyst frá því að vera breið­fylk­ing yfir í póli­tískt jað­ar­sam­fé­lag vina. Allt er breyt­ingum háð. Í ljósi þessa hef ég sjálfur ekki lengur erindi innan flokks­ins, vilja til fylgja honum eða félags­lega upp­örvun. Það hefur fyrst og fremst birst í því að ég hef ekki viljað gefa kost á mér til trún­að­ar­starfa eða verið í fram­boðs hug­leið­ingum. Lesið sam­eig­in­legt spjall flokks­ins á net­inu og velt fyrir mér hvort það sé ekki ljós að finna ann­ars staðar.“

Hann segir að skoð­anir sínar séu þær sömu og áður. „Það eru því ekki póli­tísk frama-von­brigði eða lista­blús sem eru til grund­vallar þess­ari ákvörðun. Ég verð eftir sem áður jafn­að­ar­maður í huga og hjarta – þar sem breið­fylk­ing ólíkra sjón­ar­miða skipar stefnu lands­ins. Annað verður ekki nema póli­tískt heimapartý. Leyst upp þegar næsti stjórn­ar­sátt­máli verður und­ir­rit­aður. Um leið og ég þakka fyrir göng­una, sam­starfið og allar góðar stundir og óska flokknum gleði og ham­ingju segi ég mig úr Sam­fylk­ing­unni með þessum pósti.“