Móðir Dagnýjar fór í aðgerð og vaknaði ný kona: Kastaði sér af þriðju hæð stuttu síðar

Móðir Dagnýjar Maggýjar Gísla­dóttur fór í ein­falda aðgerð og varð aldrei söm. Málið er nokkuð dul­ar­fullt en móðir hennar veikt­ist á geði eftir aðgerð­ina og svipti sig lífi að lokum. Dagný sagði frá þessu í Sunnu­dags­sögum á Rás 2.

Dagný segir móður sína hafa verið glað­væra fyrir aðgerð­ina en nán­ast önnur kona vakn­aði eftir aðgerð­ina, sú var glímdi við ofsa­kvíða og djúpt þung­lyndi. „Það gengur ekk­ert, engin lyf duga. Það er allt reynt. Við vorum í raun algjör­lega ráða­laus og gátum lítið gert,“ lýsti Dagný. Móðir hennar gerði sam­tals þrjár til­raunir til sjálfs­vígs á innan við ári frá aðgerð­inni. Í þriðja skiptið tókst henni ætl­un­ar­verkið.

Svo virð­ist sem aðgerðin hafi vakið upp gamla drauga en fljót­lega fór hún að ræða atburði í æsku sem hún hafði aldrei sagt neinum í nán­ustu fjöl­skyldu. „Það sem sló mig strax í byrjun var að hún segir við mig: Af hverju var mér kastað milli veggja? Þá kemur í ljós að hún hafði verið beitt ofbeldi, afi hafði verið harð­hentur við hana og beitt hana and­legu og lík­am­legu ofbeldi.“

Móðir hennar fór í aðgerð­ina í apríl og hennar fyrsta til­raun til sjálfs­vígs var í júní stuttu síðar. Nið­ur­staðan varð sú að senda hana á Klepp, en það þótti móður hennar mjög þung­bært. „Fyrir mömmu var þetta loka­stöðin og hún vildi alls ekki fara inn á Klepp, svo við tókum ákvörðun í sam­ráði við hennar lækni að þvinga hana til þess sem er tíma­bundið úrræði.“

Þegar leigu­bíll­inn var nýkom­inn til að sækja hana og fara með hana á Klepp reyndi mamma hennar aftur sjálfs­víg. Þá kastaði hún sér fram af þriðju hæð. Hún lifði það af en hrygg­brotn­aði. „Ég hugsa um okkur systk­inin, maður er svo bjarg­ar­laus. Þarna vorum við orðin rosa­lega hrædd um hana. Þar hefst þessi rús­sí­ban­areið sem stóð bara yfir í rétt rúmt ár. Hún fer í þessa ein­földu aðgerð og það bara ger­ist eitt­hvað,“ sagði Dagný.