Innbrotsþjófar sökuðu Jarþrúði um nasisma: „Okkur grunar að þetta sé einhver úr Mosó“

„Þekkir þú þessa skrift eða fót­spor? Það var mjög sár og sorg­leg aðkoman þegar við komum upp í sum­ar­húsið okkar upp við Varmá í gær.Það var búið að brjót­ast inn og brjóta 13 rúður og fram­hlið gróð­ur­húss­ins. Það var búið að kveikja á eld­spítum og kasta á gólfið út um allt hús. Það var líka búið að tæma slökkvi­tæki og sprauta um alla stof­una og gang­inn þannig að allt gólf og hús­gögn voru þakin hvítu dufti. Dreifa olíu og mat um eld­húsið, opna pakkn­ingar og sulla með það.“

Þetta skrifar Jar­þrúður Gian Tara Karls­dóttir en hún leitar eftir aðstoð íbúa í Mos­fellsbæ á Facebook við að upp­lýsa hver braust inn í bústað hennar. Ódám­arnir skildu meðal ann­ars eftir skila­boð sem sjá má hér fyrir ofan. Þar er hún sökuð um nas­isma en mál­far virð­ist benda til þess að íslensk ung­menni hafi skrifað skila­boðin.

„Það var líka búið að brjóta nokkra gamla muni sem hafa verið í fjöl­skyldu kærasta míns lengi og taka aðra hluti með sér. Hluti sem eru ekki verð­mætir en hafa fyrst og fremst per­sónu­lega merk­ingu. Það er líka mjög leið­in­leg og erfið vinna að ná blettum eftir slökkvi­tækið úr sóf­unum, teppum og gömlu timbri. Eins er líka erfitt að hreinsa upp allt þetta magn af gler­brotum sem hafði líka skorið gat á terpent­ínu og grill­vökva flösku í kjall­ar­anum. Þetta lítur út fyrir að hafa verið ung­lingar eða ungt fólk að verki,“ segir Jar­þrúður.

Hún seg­ist vilja ná tali af þeim sem þetta gerðu, og þá ekki til að kæra til lög­reglu. „Okkur langar mjög mikið til að hafa uppi á þeim sem gerðu þetta, ekki til að kæra heldur til að hjálpa þeim að læra hvaða afleið­ingar svona hlutir hafa. Það er svo slæmt fyrir ungt fólk að ná að gera svona hluti án þess að þau finni fyrir og sjái afleið­ing­arnar sem svona hefur. Það sem tekur enga stund að skemma tekur marga daga að hreinsa og laga, ef það er það er þá hægt. Þetta hefur líka áhrif á örygg­is­til­finn­ingu okkar í hús­inu,“ segir Jar­þrúður.

Henni grunar að ung­lingar úr Mos­fellsbæ beri ábyrgð á þessu. „Ef þau hefðu óvart kveikt í við leik­inn með eld­spít­urnar í gömlu timb­ur­húsi í þá hefði þetta getað endað sem alvar­legur glæpur. Okkur grunar að þetta sé ein­hver úr Mosó þar sem þessi staður er ekki vel aðgengi­legur úr bíl, það þarf að labba í að minnsta kosti korter til að koma að hús­inu. Staf­setn­inga­vill­urnar í ensk­unni benda líka til að þetta séu íslend­ingar. Ég veit að mínum krökkum finnst mjög gaman að tala íslensku í leik. Þið megið endi­lega senda mér skila­boð með ábend­ingum svo við getum haft uppi á þeim sem gerðu þetta,“ skrifar Jar­þrúður.