Öllu skellt í lás á Flúðum vegna Covid-19

Þrjú Covid-19 smit greindust á Flúðum og hefur verið ákveðið að skella öllu í lás vegna smit­anna. Skólum og íþrótta­mann­virkjum, þar með talið sund­laug­inni, hefur verið lokað og verða lokuð fram yfir helgi hið minnsta.

Svein­ta­stjórn hrepps­ins til­kynnti þetta í gær­kvöldi. Meðal smit­anna þriggja var nem­endi í fyrsta bekk Flúða­skóla og í þeirri von að rjúfa smit­keðju var ákveðið að grípa strax til harðra aðgerða í sam­ræaði við almanna­varnir.

„Gert er ráð fyrir að starf­semi stofn­ana, nema Flúða­skóla, veðri með venju­bundnum hætti á mánu­dag­inn nema ef staðan breyt­ist um helg­ina. Það er ljóst að þessar aðgerðir munu hafa tölu­verð áhrif á alla íbúa og biðjum við alla að taka þeim vel enda gerðar með það í huga að ná sem fyrst tökum á ástand­inu og koma í veg fyrir að smit nái að dreifa sér frekar í sam­fé­lag­inu. Við hvetjum alla til að nýta sér helg­ina í að vera heima við og hitta sem fæsta,“ segir í bréfi sveita­stjórnar til íbúa.