Margir hafa klórað sér í höfðinu yfir hugmyndum Reykjavíkurborgar um að byggja leikskóla á Hagatorginu gegnt Hótel Sögu. Um er að ræða stóra 83 fermetra umferðareyju þar sem aðeins er að finna listaverkið Íslandsmerki eftir Sigurjón Ólafsson myndhöggvara.
Nokkrar hugmyndir um nýtingu á svæðinu hafa sprottið upp í gegnum árin, meðal annars að byggja húsnæði undir veitingastað, breyta svæðinu í útivistarsvæði eða reisa stúdentaíbúðir. Nýjasta hugmyndum um byggingu leikskóla á hringtorgi hefu vakið líflegar umræður meðal Vestubæinga sem virðast vera alfarið á móti hugmyndinni.
Meðal þeirra sem tjá sig er Egill Helgason fjölmiðlamaður sem finnst hugmyndin vond og kallar þess í stað eftir huggulegum almenningsgarði auk þess sem fjarlægja þurfi hina ömurlega bensínstöð. Steingrímur Dúi tekur undir með Agli og bætir við að ef það verði byggt þarna verði nærliggjandi götum lokað í 18 mánuði miðað við aðrar sambærilegar framkvæmdir þessarar borgarstjórnar.
Þóra segir hugmyndina fráleita og þurfi að efna til íbúakosninga.
Sigvaldi bendir á að það sé leikskóli í ríflega 100 metra fjarlægð og Viktoría bendir að sumar lóðir nærliggjandi leikskóla séu gríðarlega stórar. „Það hlýtur að vera auðveldari framkvæmd og skjótvirkari að stækka leikskóla sem nú þegar er í rekstri og bæta þá við starfsfólki í stað þess að byrja frá grunni.“
Enn einn hópurinn kallar eftir að torgið verði látið óáreitt enda sé það hluti af upphaflegu skipulagi Vesturbæjarins. Aðrir lýsa bæði yfir áhyggjum af öryggi barnanna, bæði vegna umferðar svo og mengunar. Bergsveinn spyr hvaða snillingar hafi fengið þessa hugmynd og kallar eftir nafni á hugsanlegan leikskóla.
Hættuholt? Slysaland? Bílabær?? Fullt af möguleikum í boði hér!
Jóhanni Þór bendi á að í löndunum kringum okkur sé ekki mælt með að leikskólar og skólar séu staðsettir í nágrenni umferðargatna (innan 100m eða 150m) vegna loftmengunar sem hafi slæm áhrif á heilsu og andlegan þroska barna. „KR-ingum veitir ekki af fullum þroska,“ bætir Jóhann við.
Páll Sævar Guðjónsson, oftast kallaður „Röddin“, vallarþulur KR-inga, er ekki hrifinn. „Þetta er alveg skelfileg hugmynd,“ segir Páll. Jakob er á svipuðum nótum. „Nú er þetta fólk endanlega búið að dæma sig sem vanvita,“ segir Jakob og á þar líklega við fulltrúa meirihlutans í borginni.
En Skúli Helgason borgarfulltrúi reynir að útskýra bakland hugmyndarinnar. „Þetta er spennandi hugmynd um að breyta Hagatorgi úr torgi fyrir bílaumferð í torg sem iðar af mannlífi. Íbúar Vesturbæjar hafa margsinnis kallað eftir fjölbreyttari notkun á torgin,“ segir Skúli.
Mörður Árnason er farin að hugsa sig tvisvar um varðandi flutninga vegna umræðunnar. „Ég var að hugsa um að flytja af Laugaveginum í Vesturbæinn … en mér sýnast blessaðir túristarnir mínir í töluvert betra skapi en hinir væntanlegu grannar …“
Athugasemdir