Kynferðisofbeldi hefur verið töluvert í umræðu þjóðfélags á síðustu dögum, á samfélagsmiðlum, í fjölmiðlum og víðar. Þetta kemur í kjölfarið á magnandi umræðu um Sölva Tryggvason fjölmiðlamann og fleiri einstaklinga sem eru þjóðþekktir, en hafa hingað til ekki verið nafngreindir.
Nú hefur gífurlegur fjöldi fólks stigið fram með sínar sögur af ofbeldi og hafa margir merkt sínar færslur með myllumerkinu #metoo. Konur eru í áberandi meirihluta þeirra sem stíga fram en hafa einnig karlmenn og fólk af öðrum kynjum frá sínum málum. Gerendur í sögunum eru í allflestum tilfellum karlmenni.
Í færslum samskiptamiðilsins hafa komið fram neðangreindar ummæli:
„Ég var 17 ára og sofandi heima hjá vinkonu minni eftir djamm. Hann var 26 ára vinur hennar. Vaknaði við hann að stinga typpinu upp í mig. Get ekki munað nafnið hans eða andlit – eins og það sé fullkomlega blokkað úr minni mínu.“
„Ég hef ekki tölu á því hversu oft ég hef gefið undan og leyft mönnum að ríða mér því ég vildi ekki að hann yrði sár/reiður!“
„Takið eftir því að engin kona hefur minnst á þau mörgu skipti þar sem hefur verið káfað á okkur, hvort heldur sem er brjóst eða kynfæri, innan klæða eða utan. Við lendum svo oft í því að okkur er farið að finnast það sjálfsagt. Óumbeðið káf er líka kynferðislegt ofbeldi.“
„Fyrrum kærasti beitti mig einnig ofbeldi. Ég var 19 ára og kærði ekki þrátt fyrir að hafa skýrslu hjá lögreglu.“
„*TW*Ég var lítil 12 ára saklaus stelpa. Hann var eldri – nauðgaði mér og beitti mig ofbeldi. Hann rændi af mér meydómnum. Ég bað hann um að hætta margoft… hann sagðist fýla það þegar stelpur væru hræddar við hann. Var alltaf hrædd um að mér yrði ekki trúað.“
„Ég var svo drukkin að ég hefði aldrei geta gefið samþykki. Hann snerti mig í aftursætinu á meðan bestu vinir okkar voru í framsætunum. ég vaknaði daginn eftir svo hrædd að ég stirðnaði öll upp og faldi mig undir sæng því ég hélt hann væri hliðina á mér í rúminu, hann var það ekki.
Ég mundi hvað gerðist og skammaðist mín. ég hringdi í vinkonu mína til að fá betri mynd á hvað gerðist en vinir mínir töldu að ég hafi samþykkt þetta því ég stundi á meðan hann snerti mig. ég áttaði mig aldrei á því að þetta var brot á hans hálfu fyrr en mörgum árum seinna! Ég hitti hann nánast í hverri viku þar sem við styðjum bæði sama körfuboltaliðið. ég efast um að hann muni eitthverntíman átta sig á því að það sem hann gerði var rangt þar sem að hann hvíslaði því að mér á lokahófi að hann vissi að ég fýlaði þetta og að ég ætti ekki að neita því.“
„Ég var sofandi. Enginn sem gat verndað mig nema ég sjálf og manneskjan sem ég hélt ég gæti stólað á. Sagði ekkert því vildi ekki sverta mannorð hans.“
„Ég var ca 10 ára þegar ég fattaði að það er ekki eðlilegt að pabbi manns þukli á manni eða reyni að fara í sleik við mann á nóttunni. Hann segir að þetta sé ekki satt en áfallastreitan mín segir annað.“
„Besti vinur minn hélt mér niðri og sló mig í framan með kynfærunum sínum og hló. Oft. Kunningi stróð hendinni sinni undir tvennar buxur og snerti mig ítrekað á meðan ég reyndi að sofa á þjóðhátíð. Samstarfsfélagi byrglaði og nauðgaði mér eftir vinnuskemmtun.“
„Gerandinn minn hefur birst mér óvænt í genum sjónvarpið, eftir sjö ár af sjálfsvinnu finnst mér samt ekki í lagi þegar hann birtist óvænt á skjánum og ég í mínu öruggasta rými, rúminu mínu, að reyna slappa af.“
„Eftir því sem ég les fleiri frásagnir því meira sem ég hef blokkað út rifjast upp, þar sem menn fóru yfir mín mörk og ég a) króaði eða b) náði að fjarlægja mig úr aðstæðum en upplifði samt fokk mikla vanlíðan: leið svo alltaf eins og ég bæri ábyrgð á þessum atvikum.“
Athugasemdir