Kristinn segir bankana féfletta þjóðina og því þarf að selja strax

Kristinn Hrafns­son, rit­stjóri Wikileaks, segir að starf­semi íslenskra banka lík­ist helst glæp­a­starf­semi. Sam­an­lagður hagn­aður Arion banka, Íslands­banka og Lands­banka á fyrstu þremur mán­uðum þessa árs var tröll­vax­inn, sam­tals 17 millj­arðar króna.

Kristinn segir á Facebook að þennan rosa­lega hagnað megi skýra með því að verið sé að féfletta inn­láns­eig­endur og á sama tíma bjóða bara upp á okur­lán. „Sam­an­lagður hagn­aður þeirra er 17,2 millj­arðar króna“ Þetta er hagn­aður þriggja banka á fyrstu þremur mán­uðum árs­ins. Þeir sem eiga ein­hverja aura í bank­anum fá enga vexti af þeim. Pen­ing­arnir eru lán­aðir út í marg­felldi og skila ofur­gróða,“ segir Kristinn.

Hann segir þetta skýra hvers vegna rík­is­stjórnin er gall­hörð á að afhenda hlut almenn­ings í bönk­unum til ein­stak­linga fyrir kosn­ingar. Það hefur komið fram að sú sala verði í sumar. „Á þessum leik­velli eru því úrslitin þjóðin 0 – Gróð­aliðið 17,2 millj­arðar. Inn­láns­eig­endur, þeir sem öngla í sparnað, eru hafðir að fíflum og þjóðin er mis­virt, féflett og smánuð. Þetta er skipu­lögð glæp­a­starf­semi. Ekki að undra þó að mikið liggi nú við að koma þessum mask­ínum í hendur vild­ar­vina. Allir sáttir bara?“