„Skömm sé okkar tímum“ – Umdeildasti lögmaður landsins hjólar í umdeildasta dómarann

Sveinn Andri Sveins­son er óneit­an­lega meðal umdeild­ustu lög­mönnum sam­tím­ans. Það er því við­eig­andi að hann hjóli í umdeildasta dóm­ara lands­ins, Arnar Þór Jónsson. Arnar tekur þátt í próf­kjöri Sjálf­stæð­is­flokks­ins og virð­ist telja að það sam­rým­ist að halda áfram sem dóm­ari.

Sveinn Andri segir for­vera hans hafa litið öðru vísi á stöð­una. „Gunnar Thorodd­sen var umdeildur stjórn­mála­maður, en óum­deil­an­lega ein­hver fær­ast lög­spek­ingur Íslend­inga á síð­ustu öld; hálf­gert undra­barn sem varð pró­fessor í lög­fræði aðeins þrí­tugur að aldri. Gunnar var skip­aður dóm­ari við Hæsta­rétt íslands í árs­byrjun 1970 en rétt rúm­lega 8 mán­uðum síðar baðst hann lausnar frá emb­ætti þar sem hann hafði ákveðið að gefa kost á sér í próf­kjöri Sjálf­stæð­is­flokks­ins,“ segir Sveinn Andri á Facebook.

Hann vitnar svo í Gunnar sem mun hafa sagt: „Ég tel að þátt­taka í próf­kjöri sam­rým­ist ekki stöðu hæsta­rétt­ar­dóm­ara og mun því segja af mér emb­ætti áður en próf­kjör hefst.“ Sveinn segir þetta dæmi um hví­líka tíma við lifum á. „Sá ágæti hér­aðs­dóm­ari Arnar Þór Jónsson hefur ákveðið að gefa kost á sér í próf­kjöri Sjálf­stæð­is­flokks­ins. Hann hefur gefið það út að „búist við að fara í leyfi á meðan á fram­boði stendur.“ Ég segi bara eins og Cicero forðum: O tempora! O mores!  (Skömm sé okkar tímum og okkar glöt­uðu grund­vall­ar­reglum.)“