„BÍLLINN minn var að bila kona. Veit að skrýtnir hlutir gerast í kvenna kolli. Bílnúmerið á honum er TY 835. Getur hringt í Bílson og fengið það staðfest. Að sjálfsögðu borga ég sálfræðitíma fyrir þá sem urðu fyrir fjarveru ykkar að ósekju.“
Svona svarar Jörgen Már Guðnason parketslípari konu sem hafði fengið hann í verk sem hann mætti ekki í. Hún hafi sagt honum að það væri eðlileg kurteisi að boða forföll. Sá sterki kvenhatur sem birtist í þessum skilaboðum ætti ekki að koma neinum á óvart sem þekkir forsögu hans. Ítrekað var fjallað um sviðna slóð hans og viðbjóðslegt ofbeldi gagnvart óléttri barnsmóður í DV fyrir nokkrum árum.
Jörgen hefur oftar en einu sinni verið dæmdur fyrir ofbeldi gegn sambýliskonum. Dómarnir hafa þó alltaf verið mildir og líkt Stundin fjallaði um árið 2015 þá hélt hann áfram að áreita konunar leið og stuttum dómi lauk. Það segir sína sögu að Jörgen hafi þó hlotið dóma því það falla ekki oft dómar í heimilisofbeldismálum. Nánar má lesa um ítrekað og hrottalegt ofbeldi Jörgens gagnvart konum hér.
Það voru þó ekki einungis konur sem urðu fyrir áreiti hans um þetta leyti. Viðskiptavinir hans hafa sagt hann hafa hrellt sig fyrir litlar sakir. „Hann var með ógnandi tilburði í okkar garð í Laugum. Sagði við manninn minn að hann ætlaði að drepa hann. Við sváfum náttúrlega ekki rólega,“ sagði einn viðskiptavinur í viðtali við DV árið 2014.
Konan sem fékk skilaboðin hér fyrir ofan segir í samtali við Mannlíf að hún hafi þó reynt að kynna sér parketslíparan áður en fékk hann til starfa. Hún kom af fjöllum þegar henni var bent á forsögu Jörgens. Það er þó skiljanlegt í ljósi þess að ólíkt flestum iðnaðarmönnum þá er nafn hans ekki áberandi, hvorki á Facebook-síðu eða vef. Nafnið á Facebook-síðunni er nú Parketslípun Og Málun en heitir á heimasíðunni Parketslípun og lagnir.
Athugasemdir