Samherjamenn reita Norðmenn til reiði – Norski sjávarútvegsráðherrann herðir reglur

Norðmenn hafa hert reglur í sjáv­ar­út­vegi til að stöðva Samherja í söfnun veiði­heim­ilda í Noregi. Odd Emil Ingebrigt­sen, sjáv­ar­út­vegs­ráð­herra Noregs, gaf út fyr­ir­mæli um það hvernig norska fiski­stofan eigi að taka eigi á erlendu eign­ar­haldi í norskum sjáv­ar­út­vegi. ástæðan er sú að Samherji hefur keypt sig inn í norskt útgerð­ar­fé­lag eftir króka­leið. Ráð­herr­ann hefur áhyggjur af þeirri stefnu Samherja að ná undir sig veiði­heim­ildum í mörgum löndum. Hann segir ekki ástæðu til að taka sér­stak­lega vel á móti fyr­ir­tækjum sem safna undir sig veiði­heim­ildum í mörgum löndum. Rík­is­út­varpið sagði frá.

Samherji hefur und­an­farið komið við sögu varð­andi klúður norska bank­ans DNB, við­skipta­banka Sam­herj­a­sam­stæð­unnar, og slaka varð­stöðu gagn­vart pen­inga­þvætti. Bankinn dróst inn í Namib­íu­mál Samherja. Hann var sektaður um svim­andi upp­hæðir. Sam­herj­a­menn hafa þver­tekið fyrir að hafa gripið til pen­inga­þvættis og segja mál bank­ans vera sér óvið­kom­andi. Afleið­ingar alls þessa fyrir Samherja og Íslend­inga er skaðað orð­spor í Noregi og reitt Norðmenn til reiði.

Norski sjáv­ar­út­vegsáð­herr­ann hefur gefið fiski­stofu fyr­ir­mæli um að taka strangar á málum sem snúa að breyttu eign­ar­haldi sjáv­ar­út­vegs­fyr­ir­tækja þar sem útlend­ingar eiga í hlut. Fiski­stofa á líka að meta hvort erlend fyr­ir­tæki sem ætla fjár­festa í norskum sjáv­ar­út­vegi hafi brotið reglur í norskri land­helgi með útgerð undir öðrum fána. Þá stendur til að gefa út reglu­gerð um að ætíð þurfi að fá sam­þykki stjórn­valda fyrir beinu eða óbeinu eign­ar­haldi útlend­inga á norskum sjáv­ar­út­vegs­fyr­ir­tækjum, ekki verði nóg að til­kynna um það.

Vegna Samherja

„Ég dreg ekki dul á að þessi fyr­ir­mæli eru til komin vegna íslenska fyr­ir­tæk­is­ins Samherja sem hefur keypt sig inn í norskt útgerð­ar­fé­lag,“ er haft eftir Ingebrigt­sen á vef norskra stjórn­valda. „Samherji er nú þegar með starf­semi í fleiri Evr­ópu­út­löndum og hefur stundað fisk­veiðar í land­helgi okkar undir ýmsum fáum. Slík alþjóð­leg sam­þjöppun eign­ar­halds skapar sér­stakar áskor­anir,“ segir í end­ur­sögn RÚV.

Mál þetta er enn eitt áfallið fyrir Samherja sem þegar glímir við það að ímynd þess er stór­löskuð vegna ásak­ana um mútur og skatt­svik.