Harka hjá Sigríði

Sigríður Andersen, odd­viti Sjálf­stæð­is­flokks­ins, í Reykja­vík sýnir mikil klók­indi þegar hún gefur kost á sér í annað sætið í próf­kjöri flokks­ins í Reykja­vík. Þar með fer hún ekki í beinan slag við þau Áslaugu Örnu Sig­ur­björns­dóttur dóms­mála­ráð­herra og Guðlaug Þór Þórð­ar­son utan­rík­is­ráð­herra sem stefna bæði á það áhrifasæti að verða efst í Reykja­vík með til­heyr­andi blóð­baði. Sigríður neydd­ist til að segja af sér sem dóms­mála­ráð­herra eftir að hafa hand­valið dóm­ara og skipa ólög­lega í Lands­rétt. Með því að axla þannig ábyrgð er lík­legt að hún fái ágætan með­byr hjá rót­tækum sjálf­stæð­is­mönnum. Margir hafa áhuga á að sjá hana og Áslaugu Örnu í efstu sæt­unum. Þá er harður kjarni sem fylgir Guðlaugi Þór að málum og vill sjá hann sigra og í fram­hald­inu að upp­fylla draum hans um að verða for­maður í stað Bjarna Bene­dikts­sonar sem þó er ekki á förum sjálf­vilj­ugur. Engimn leið er til að sjá fyrir um úrslitin hvað Sigríði og Guðlaug Þór varðar og allt eins lík­legt að þetta verði gósentíð lægstu sam­nefnar­anna …