Jóhann varar við illri meðferð á útlendingum á Íslandi: „Alltaf sami skíturinn“

„Vertu var­kár þegar þegar þú tekur við nýju starfi. Mér var nýlega boðið starf á hót­eli þar sem ég átti að fá greitt eins og 18 ára með enga reynslu, segir Johann Iceland í færslu á Facebook síð­unni Away From Home – Complaining About Iceland.“

Hann segir að starfið hafi verið aug­lýst sem starf í mót­töku en í ljós hafi komið að einnig var ætl­ast til að við­kom­andi und­ir­byggi mat, sinnti hús­verkum og inn­kaupum fyrir veit­inga­stað hót­els­ins.

„Aðrir starfs­menn sögðu mér að þeir fengju oft ekki greitt fyrr en þann 15. hvers mán­aðar. Það var ætl­ast til að ég væri til staðar 24-7 en fengi aðeins greitt fyrir þriggja klukku­stunda vakt. Svo virð­ist sem eig­and­inn hafi stundað þetta til fjölda ára.“

„Hann er að nýta sér útlendinga í þeirrivon að þeir þekki ekki reglur stéttarfélagsins“

Hann biður fólk um að hafa var­ann á og láta þetta ekki koma fyrir sig. Enn­fremur seg­ist hann gefa upp nafn hót­els­ins í einka­skila­boðum.

Fjöldi fólks hefur brugð­ist við færslu Johann og nefna sumir hótel og veit­inga­staði sem þeir eða ein­hver sem þeir þekkja hafa lent í svip­uði. Aðrir hika þó og þora ekki að nefna stað­ina til að lenda ekki í hugs­an­legum mála­ferlum. Almennt er fólk sam­mála um að það sé alltof algengt að gengið sé á rétt fólks í hótel- og veit­inga­geir­anum.

„Ég er glöð að sjá að ekk­ert hefur breyst eftir Covid. Alltaf sami skít­ur­inn í ferða­manna­brans­anum. Versta er að margið staðir eru að ráða í gegnum Vinnu­mála­stofnun. Kannski við ættum að til­kynna þessa staði til Vinnu­mála­stofn­unar?“ spyr Chiara Trevisan.