Áróðursmaskína Samherja afhjúpuð: „Eitt spark í punginn… Og þá er hann… Sprunginn!“

Páll Stein­gríms­son, skip­stjóri hjá Samherja, hefur birt nokkur fjölda greina til stuðn­ings Samherja og til ófræg­ingar fjöl­miðla­fólki og öðrum sem hafa verið gagn­rýnir á stjórn­endur Samherja og meint afbrot þeirra. Stundin birtir í dag tölvu­póst­sam­skipti sem sýna að Páll skip­stjóri hefur látið Þorbjörn Þórð­ars­son, fyrr­ver­andi frétta­mann Stöðvar 2 og núver­andi skugga­penna Samherja, skrifa stóran hluta greina sinna og yfir­fara annað. Grein­arnar hafa verið sum­part rætnar og ill­yrtar í garð þeirra sem Samherji hefur skil­greint sem óvini sína.

Þrír ein­stak­lingar gegna lyk­il­hlut­verki í þeirri áróð­urs­vél sem stjórn­endur útgerð­ar­innar Samherja ræstu eftir upp­ljóstr­anir um mútu­greiðslur til namibískra stjórn­mála­manna. Þetta eru Þorbjörn almanna­teng­ill, Arna Bryndís Baldvins McClure lög­maður og Páll skip­stjóri. Sá síð­ast­nefndi hefur látið birta í sínu nafni fjölda greina sem Þorbjörn og Arna hafa ýmist skrifað eða rit­stýrt.

Greinar sem birst hafa í nafni Páls á Vísi.is eru að megn­inu til skrif­aðar eða þeim rit­stýrt af Þorbirni, með athuga­semdum og aðstoð frá Örnu. Þetta full­yrðir Stundin og birtir því til sönn­unar tölvu­pósts­sam­skipti.

Stundin full­yrðir að Þorbjörn sé mað­ur­inn með penn­ann sem skrifi allar áróðs­grein­arnar gegn fyrrum kol­legum sínum í blaða­manna­stétt­inni.

Vörn Samherja við ásök­unum um mútur og spill­ingu í starf­semi sinni víða um heim hefur helst snúið að því að gera frétta­menn og þá miðla sem fjöll­uðu um málið tor­tryggi­lega. Liður í því hafa verið greina­skrif Páls skip­stjóra. Til­gangur greina­skrif­anna hefur einna helst verið að ráð­ast á blaða­mann­inn Helga Seljan og trú­verð­ug­leika hans.

Hér að neðan má sjá dæmi um sam­skipti milli Örnu Bryn­dísar lög­manns og Páls skip­stjóra, sem Stundin birti:

Stinga og strá salti í sárin

Páll: En Jón Óttar mun hitta ÞMB á morgun.

Arna: Já það er gott. Mjög gott.

Páll: Jebb er búin að vera stöðnun og allt of mikið fum og fátt í þessu hjá okkur en von­andi brýnir ÞMB hníf­ana og fer í að slátra Jóhann­esi.

Arna: Amen!

Páll: Þú ert svo blóð­þyrst.

Arna: Hehe já ég veit. Ég vil stinga, snúa og strá salti í sárið.

Sparka í punginn

Páll: Glæsi­legt við þörfn­umst þess núna akkúrat núna þurfum við að sparka í pung­inn á þessu liði.

Arna: Ég ætla að gera það. Eitt spark í pung­inn… Og þá er hann… Sprung­inn! Múhar­harhar.

Páll: Haha ég alla­vega treysti á þig og vona að ég fái ekki spark í pung­inn frá þér.

Arna: Þú færð ekk­ert spark!! En Helgi, Óðinn Jóns, Stefán Eiríks, Már Guðmunds, Ingi­björg Guð­bjarts og Stefán Jóhann fá á bauk­inn