Finnbogi var skorinn, laminn og kæfður – Sárar og erfiðar minningar

Seint á föstu­dags­kvöldi í októ­ber árið 2001 fannst Finnbogi Sig­ur­björns­son, 44 ára gam­all, lát­inn í garði í Breið­holt­inu. Finnbogi var ókvæntur og barn­laus og til heim­ilis að Lind­ar­göt­unni í Reykja­vík. Ljóst var að morðið ein­stak­lega hrotta­legt.

Finnbogi hafði verið stung­inn átta sinnum í bringu og bak og níu sinnum hafði hann verið skor­inn á háls.

Áttatíu metra blóðslóð

Það var lög­reglan sem gekk fram á lík Finnboga eftir að hringt hafði ver­iði vegna háreysti við hús við Bakkasel. Þegar lög­reglu bar að staðnum fund­ust blóð­blettir utan við húsið auk fleiri merkja um harka­leg átök. Blóðslóð lá frá hús­inu sem lög­regla rakti átta­tíu metra þar til hún kom að líf­lausum lík­ama Finnboga og stóð bana­maður hans yfir honum og þreif blóð af áhöld­unum sem hann hafði notað við ódæð­is­verkið. Um var að ræða 24 ára gamlan mann, Ásbjörn Leví Grét­ars­son, að nafni. Ásbjörn var sam­stundis hand­tek­inn á vett­vangi.

Ásbjörn var afar ölv­aður við hand­tök­una en ját­aði morðið dag­inn eftir og kvaðst hafa verið einn að verki. Sagðist Ásbjörn hafa hitt Finnboga á veit­inga­stað í mið­borg Reykja­vík­ur­víkur og höfðu þeir setið að drykkju saman áður en þeir ákváðu að halda á heim­ili Ásbjörns en hann leigði kjalla­her­bergi í Bakka­sel­inu. Þar sátu þeir við marjúan­a­reyk­ingar þegar Ásbjörn segir Finnboga hafa sýnt sér kyn­ferð­is­lega til­burði sem hafi vakið hjá honum sárar og erf­iðar minn­ingar um kyn­ferð­is­lega mis­notkun sem hann hefði orðið fyrir í æsku.

Sárar minningar vakna

Ásbjörn sagði lög­reglu að við minn­ing­una hefði hann sturl­ast og ráð­ist að Finnboga sem honum fannst á þeim tíma­punkti vera sá aðili sem brotið hefði á honum í æsku. Fann hann sterka þörf á að bana brota­mann­inum. Náði Ásbjörn í stóran eld­hús­hníf og stakk Finnboga átta sinnum í bringu og skar hann níu sinnum á háls. Finnbogi lést samt sem áður ekki við þessa heift­úð­legu árás og náði Ásbjörn þá í hafn­ar­bolta­kylfu og sló Finnboga tíu sinnum fast í höf­uðið. Þótt ótrú­legt megi virð­ast var Finnbogi þrátt fyrir allt enn á lífi að högg­unum loknum. Sótti Ásbjörn þá plast­poka, setti yfir höfuð Finnboga og herti það þar til Finnbogi gaf upp önd­ina.

Greip á Ásbjörn lík Finn­bogar og dró það átta­tíu metra þar sem lög­reglan kom að honum. Ásbirni var gert að sæta geð­rann­sókn og var hann dæmdur ósak­hæfur sökum sturlunar og geð­rofs.

Var Ásbirni gert að sæta örygg­is­gæslu á rétt­ar­geð­deild­inni á Sogni.