Ævar þakklátur því að vera á lífi: „Var að tala við Ásu mína og sá ekki nema hálft andlitið“

Ævar Aust­fjörð er því guðs lif­andi feg­inn að vera til frá­sagnar eftir skyndi­leg veik­indi sem læknar áttu erfitt með að skýra.

Ævar segir frá erf­iðri reynslu sinni í færslu á Facebook. Um leið og ein­kennin byrj­uðu að koma fram vissi hann að eitt­hvað alvar­legt væri í gangi.

„Ég varð var við sjón­trufl­anir þannig að ég missti sirka hálft sjón­sviðið þ.e. ég sá eig­in­lega ekk­ert sem var til hægri við mitt sjón­sviðið. Ég var eitt­hvað að tala við Ásu mína og sá ekki nema hálft and­litið á henni. Þegar ég svo hringdi í 112 átti ég í vand­ræðum með að gefa upp heim­il­is­fangið mitt. Ég vissi það og sá það fyrir mér en gat bara ekki sagt það.“

Ævar segir þjón­ustu spít­al­ans vera upp á tíu.

Þegar hér var komið við sögu var Ævar keyrður á bráða­mót­töku. „Þar var ég strax skoð­aður hátt og lágt og mér sagt að þetta væri mjög lík­lega eitt­hvað sem kall­ast blóð­þurrð í heila,“ segir Ævar sem dag­inn eftir var sendur í ótal rann­sóknir. „Það var hengdur á mig hjarta­sí­riti og tekið úr mér blóð. Ég er sem­sagt búinn að fara í alls­konar sjón­próf og sjón­s­viðs­mæl­ingar, röntgen á heila og hálsæðum hjarta­óm­skoðun gegn um vél­inda MRI skanna á heila og senni­lega er ég að gleyma ein­hverju.“

Rann­sóknir skil­uðu á end­anum þeirri nið­ur­stöðu að opið væri á milli hjarta­loka hjá Ævari. Síðar kom í ljós öllu alvar­legra þar sem nokkuð skorti upp á raftauga­boð til hjart­ans þannig að það hægir á sér og stoppar jafn­vel.

„Mér var sagt að eina nótt­ina nótt­ina hafi hjartað stoppað í 6 sek­úndur og fyrstu nótt­ina eftir að ég lagð­ist hér inn í hjarta­sí­rita fór púls­inn niður í 24 slög á mín­útu! Þetta getur með tím­anum leitt til þess að púls­inn verður hrein­lega of hægur eða pásan of löng og eig­andi hjart­ans sofnar svefn­inum langa,“ segir Ævar sem segir lækna eiga erfitt með að skýra út orsök­ina. Hann von­ast eftir útskrift fljót­lega en þarf að hafa hægt um sig í ein­hvern tíma á eftir:

„Ég hef ekki fundið neitt fyrir þess­ari leti í hjart­anu og það aldrei haft áhrif. Þetta er vel þekkt en orsök er ókunn skilst mér. Gæti þess vegna hafa verið svona frá fæð­ingu án óþæg­inda. Ég er því afskap­lega þakk­látur fyrir að hafa fengið þessa litlu blóð­tappa því ann­ars hefðu þessar rann­sóknir ekki farið af stað.“