Veitingastaðir með sama nafni spretta upp fyrir vestan: Pönnukökur á heimsmælikvarða á Hólmavík

Það er mikið að ger­ast í Stranda­sýslu. Á Hólmavík voru að opna hvorki meira né minna en tveir nýir staðir með veit­ingar á boðstólnum. Þeir voru báðir opn­aðir síð­ast­lið­inn laug­ar­dag, Bistro 510 og Gistihús Hólma­víkur opn­aði Bistro/kaffi­hús. Það er hrein til­viljun að báðir stað­irnir nota Bistro í nöfnin á stöð­unum.

Mannlíf tal­aði við annan eig­enda Bistro 510, Aleksandar Kuzmanic en hann og kærasta hans Petra Ivancica eru eig­endur veit­inga­stað­ar­ins.

Aleksandar Kuzmanic og Petra Ivancica í nýja mat­ar­vagn­inum sínum Bistro 510

Mynd: Quentin Monier

Parið Aleksandar Kuzmanic og Petra Ivancica koma frá Króatíu. Þau hafa búið á Hólmavík í um tvö ár og líkar vel þar. Þau hafa þó verið lengur á Íslandi og hafa búið bæði í Bjarn­ar­firði og á Reyk­hólum. Þau hafa verið á Íslandi  í um þrjú og hálft ár. Aleksandar ólst upp frá fæð­ingu í ferða­manna­brans­anum í sínu heima­landi en lang­aði að breyta til.

Hólmavík

Tilvalið að skella sér í sund og fá sér svo eitt­hvað í svang­inn á Bistro 510

Bistro 510 er stað­sett við tjald­svæðið og félags­heim­ilið en það er á vinstri hönd eftir að komið er inn í bæinn. Þau vildu bjóða upp á eitt­hvað alveg nýtt en ekki þetta hefð­bundna, ham­borga og þess háttar og ákváðu að bjóða upp á pönnu­kökur eða Crépes. Þar að auki er hægt að fá pylsur, ban­anasplit, kaffi, te, heitt súkkulaði og aðra drykki. Þau munu í nán­ustu fram­tíð, þegar þau hafa komið sér betur fyrir  í nýja mat­ar­vagn­inum sínum, bæta við úrvalið og jafn­vel bjóða upp rétt dags­ins.

Mat­seð­ill Bistro 510

Hér má sjá stað­setn­ingu Bistro 510 merkta með gulum punkti

Mannlíf hefur hlerað hvernig pönnsurnar þeirra Aleksandar og Petru hafa runnið ofan í Hólm­vík­inga og eru flestir sam­mála um það að þetta séu pönnu­kökur á heims­mæli­kvarða, sem allir verða að smakka.