Barnagæslan týndi Anítu í Smáralind og foreldrarnir fengu áfall: „Starfsmenn ypptu bara öxlum“

„Í panikki hleyp ég og konan mín um Smára­lind að leita af barn­inu okkar og starfs­menn barna­gæsl­unnar gerðu ekki hand­tak á meðan,“ skrifar Brynjar Þór Sig­urðs­son um átak­an­lega reynslu fjöl­skyld­unnar af því að kaupa gæslu fyrir barnið sitt í Smára­lind.Þegar þau komu í Smára­lind fékk dóttir þeirra, Aníta fædd 2017, að fara í barna­gæsl­una sem

Smárabíó

rekur. Hjónin greiddu fyrir gæslu í klukku­tíma.„Við fórum í góðri trú að hún væri örugg. Klukku­stund síðar komum við og ætl­uðum að bjóða henni að vera lengur. Þegar ég er búinn að borga tekur

Brynja Hjördís

eftir að skórnir hennar væru ekki þarna. Fer ég og leita í þessum leikkast­ala sem er þarna og finn hana ekki. Starfs­menn ypptu bara öxlum,“ skrifar Brynjar.Hjónin hringdu á lög­regl­una sem kom fljótt en leið­beindi þeim við að finna örygg­is­verði .Þeim til léttis komu skila­boð frá þjón­ustu­borði Hagkaups um að barnið hefði fund­ist í versl­un­inni.„Eftir stutt „spjall“ við barna­gæsl­una kom lög­reglan sem tók af okkur skýrslu. Hvað ef hún hefði ekki farið í Hagkaup? Hvað ef hún hefði hlaupið út í umferð­ina. Erum komin heim með hana og erum að róast þar sem við vorum í vægu tauga­á­fall eftir þetta,“ skrifar Brynjar og spyr hvort ekki væri rétt að  taka gæsl­una til bæna eða ein­fald­lega loka. Næsta barn verði kannski ekki eins heppið og Aníta.„Þetta bara má ekki ger­ast aftur,“ skrifar Brynjar.