VERÐKÖNNUN – Hressilegur verðmunur á pylsu, kóki og Svala – Allt að 102 prósent munur

Verð­könnun Mannlífs á pylsu, kóki og Svala leiddi í ljós gríð­ar­legan verð­mun á þjóð­ar­rétti Íslend­inga pylsu. Mikill verð­munur var einnig á hálfs lítra kóki og Svala. Verð­munur á pylsu reynd­ist 44 pró­sent, mun­ur­inn á kók­inu var 75 pró­sent og á Svala 102 pró­sent.

Í til­efni þess að fólk fer að leggja land undir fót í auknum mæli ákvað Mannlíf  að athuga með verð  á þjóð­ar­rétti Íslend­inga,  pyls­unni ásamt  kóki og Svala, víðs vegar um landið. Athugað var verð á 20 stöðum og voru verð fengin með því að hringja á stað­ina.

Niðurstöður

Hæsta verð á pylsu er hjá AK- inn á Akureyri en lægsta verðið er hjá Olís. 44 pró­senta munur er því á verði á hefð­bund­inni pylsu.

Hæsta verðið á hálfum lítra af kóki í plasti er hjá Bistro 510 á Hólmavík og það lægsta hjá Kram­búð­inni. 75 pró­sent munur er því á verði á hálfum lítra af kóki í plasti.

Hæsta verðið á Svala er hjá Aðal – Braut í Grinda­vík en það lægsta er hjá Kram­búð­inni. 102 pró­sent munur er því á Svala.

Tafla með öllum upp­lýs­ingum og verðum er hér að neðan. Það skal tekið fram að sumir staðir seldu ekki kók í 0,5 lítra flöskum( bjóða upp á aðrar stærðir) og er því sett X þar sem það á við. Verð hjá N1, Olís og Kram­búð­inni eru þau sömu um allt land.