Umhverfisverkfræðingurinn Snævarr Örn Georgsson vakti mikla athygli fyrir skrif sín þar sem hann talaði gegn lausagöngu katta í Facebook-hóp íbúa í Lunda- og Gerðahverfi á Akureyri.
„Um daginn skrifaði ég grein um lausagöngu katta og auðvitað haga örlögin því þannig að í dag voru tveir ókunnugir og ómerktir lausagöngukettir búnir að gera sig heimankomna hjá mér og meðal annars uppi í rúmi. Kettirnir voru heppnir að við fundum þá á undan hundinum okkar.“
„Annar slapp aftur út – og tókst að skemma gardínurnar í leiðinni þegar hann klifraði upp þær – en hinn er í öruggu haldi,“ skrifar verkfræðingurinn skeleggi og heldur áfram:
„Ekki láta mig finna köttinn ykkar aftur inni hjá mér; þetta er í eina og síðasta sinn sem ég skrifa svona póst og skila meindýri sem kemur inn til mín,“ og mögulega er hægt að túlka orð hans sem dulbúna hótun.
Óhætt er að segja að færsla Snævarrs hafi vakið mikla athygli og einnig mikla reiði á meðal kattaeiganda á Akureyri, og segir einn einstaklingur að „maðurinn er bara heimskur fáviti.“
Mikill fjöldi fólks hraunar yfir Snævarr fyrir skrif sín:
Til að mynda segir annar einstaklingur í einni athugasemd:
„Ógeðslegt innrætið í þessum náunga,“ og sá þriðji bætir við að Snævarr sé. „þvílíkur aumingi.“
Þrátt fyrir ófallegar athugasemdir lætur Snævarr þær ekki á sig fá og skrifar að hann sé ekkert á móti kisum.
Athugasemdir