Hvetur enskar konur að strippa fyrir Southgate ef fótboltinn kemur „heim“ – Stripphátíð í vændum?

Eng­lend­ingar bíða í ofvæni eftir að úrslita­leikur EM í knatt­spyrnu hefj­ist, en þá mæt­ast Ítalía og England á Wembley í London og hefst leik­ur­inn klukkan sjö í kvöld að íslenskum tíma.

Þótt enska úrvals­deildin hafi verið um langt ára­bil sterkasta deild í heimi þá hefur enska karla­lands­liðið ekki hampað nema einum stórum titli; urðu heims­meist­arar fyrir fimm­tíu og fimm árum síðan, árið 1966, einmitt á Wembley, þegar þeir ensku lögðu Vestur-Þjóð­verja að velli í fram­lengdum leik.

Allt hefur verið á öðrum end­anum í Englandi vegna vel­gengni enska lands­liðs­ins og hefur þjóð­há­tíð­ar­stemn­ing ríkt frá því að EM hófst. Sigri þeir ensku þá ítölsku í kvöld og hampa Evr­ópu­meist­aratitl­inum í fyrsta sinn er nokkuð ljóst að stemn­ingin mun halda áfram í allt sumar; jafn­vel lengur.

Youtube-stjarnan enska, Emily Black, er án nokk­urs vafa einn harð­asti stuðn­ings­maður enska lands­liðs­ins, en hún hefur þó mestar mætur á þjálf­ara liðs­ins, Gareth Southgate.

Mun Gareth Southgate fagna í kvöld?

Emily birtir tvær myndir af sér fáklæddri og hvetur aðrar enskar konur að strippa fyrir Southgate og strák­ana hans ef „fót­bolt­inn kemur heim í kvöld.“

Óhætt er að segja að færsla Emily á Twitter hafi vakið mikla athygli og margar konur segja í athuga­semd­ar­kerfi hennar að þær ætli sér að geri slíkt hið sama.