Ragna Sif setur inn ákaflega sorglegt innlegg á Facebookhópinn Íbúar í Grafarvogi. Það var keyrt á köttinn hennar og sá eða sú sem það gerði stoppaði ekki, heldur skildi dýrið eftir slasað á götunni.
„Þú sem keyrðir yfir svartan og hvítan kött við móaveg mátt skammast þín! Að keyra yfir lítið dýr og stoppa ekki til að athuga með dýrið eða koma því á spítala er til skammar! Vona að þú sért stolt/ur með sjalfan þig og vona þin vegna og þina samvisku (eg þu ert með svoleiðis) að það se í lagi með hann!“
Jóhanna nokkur birtir mynd af kettinum og segir að keyrt hafi verið á hann og hann sé staddur fyrir utan Móaveg 10.
Ragna segir að dýralæknirinn telji að hann hafi sloppið vel, en það eigi enn eftir að mynda hann og athuga með beinbrot.
Dóra Rebba segir : „Mig langar nú að benda á að það gæti vel verið að manneskjan hafi ekkert orðið vör við kisu, eða þá að kisa hafi verið svo fljót að stinga af að ekki hafi verið hægt að athuga með hana. Ég hef séð (náðist á eftirlitsmyndavél) kött hlaupa eins og fætur toga burt eftir árekstur og hverfa sjónum. Sá köttur fannst seinna dáinn í felum. Bílstjórinn átti aldrei sjens á að vita hvað gerðist því kötturinn kom úr húddi bílsins, fór beint undir hann og var horfinn áður en bílstjórinn (sem fór út og gáði) gat séð hvað gerðist“.
María Ósk svarar Dóru: „Dóra Rebba þessi aðili lét ekki kong né prest vita,kötturinn hljóp undir bíl við götuna, þannig hann fór ekki langt frá. Það er líka ágæt að benda á það að hámarksgraðinn í þessari götu er 30,það virðist rosalega erfitt fyrie marga að ná því og að virða það. Svo er ágætt að benda á að hefði manneskjan verið á löglegum hraða hefði aðilin átt að gera stoppað. Það voru settar hraðahindranir sem breyta engu varðandi aksturinn á sumu fólki hérna og Það er bara ágætt að benda á að engin myndi keyra á barn og ekki stoppa og athuga með það“
Athugasemdir