Jóhannes Þór: „Misnotkun greiðsluskjóls eitthvað fyrir pólitíkina og Alþingi að takast á við“

„Að okkar mati væri það afar vont og til þess fallið að bera skugga á það ef það kemur í ljós að ein­hverjir aðilar hafi mis­notað þessa leið“ segir Jóhannes Þór Skúlason, fram­kvæmda­stjóri Samtaka ferða­þjón­ust­unnar, en nú er reynsla að fást af lögum um greiðslu­skjól sem sam­þykkt voru í fyrra og ætluð til að hjálpa félögum og fyr­ir­tækjum í erf­iðri stöðu að kom­ast í gegnum Covid heims­far­ald­ur­inn.

Greiðslu­skjólið gildir í eitt ár og því eru fyrstu félögin og fyr­ir­tækin sem nýttu sér kær­komið og þakk­látt greiðslu­skjólið  að „losna“ úr því og þurfa þá að ná samn­ingum við kröfu­hafa.

Jóhannes segir að sam­tökin geti eðli­lega ekki tjáð sig um ein­stök mál en að það sé alveg kýr­skýrt og deg­inum ljós­ara að almenn afstaða sam­tak­anna varð­andi kenni­tölu­flakk, óheið­ar­legum og ólög­mætum við­skipta­háttum, enda hafi þau lagt til að tekið verði upp skil­virkara eft­ir­lit og styðja í einu og öllu aðgerðir þær sem stjórn­völd, í sam­starfi við ASÍ og atvinnu­lífið, hafi lagt til í þeim til­gangi að koma í veg fyrir slíkt.

„Við lítum svo á að greiðslu­skjólið hafi reynst afar vel og verið mik­il­væg við­bót til að taka á þessum tíma­bundna vanda,“ segir Jóhannes og heldur áfram:

„Að okkar mati væri það vont og til þess fallið að bera skugga á það ef það kemur í ljós að ein­hverjir aðilar hafi mis­notað þessa leið. Ég vona að það séu litlar líkur á að slíkt komi upp úr dúrnum.“

Samkvæmt lögum um  greiðslu­skjól er hægt að fá frest af kröfum í þrjú ár, en hins vegar eru heim­ildir skipta­stjóra til að krefj­ast rift­unar krafna – fari félag í þrot að skjóli loknu – ná ekki lengra aftur en tvö ár.

„Það er auð­vitað ákveðin hætta þegar ríkið grípur inn í hinn almenna gang við­skipta, til að mynda vegna áfalla, að það mynd­ist pollar í lög­unum,“ og bendir á „að okkar mati er þarna ákveð­inn „lapsus“ og betur hefði farið á því hafa sam­ræmi þar á milli. Með því er hægt að loka fyrir að þeir sem á annað borð hafa vilja til að mis­nota leið­ina nýti sér það. En slíkt er eitt­hvað fyrir póli­tík­ina og Alþingi að takast á við.“

Heimild: vb.is