Sædís ansi svekkt á Vík í Mýrdal: „Er það ekki dálítið vel í lagt fyrir þetta?“

Sædís nokkur er athug­ull neyt­andi og fannst henni svínað á sér í gær þegar hún heim­sótti veit­inga­stað­inn Ice Cave Bistro í Vík í Mýrdal. Þar pant­aði hún sér ham­borg­ara með frönskum kart­öflum og var hún hvorki ánægð með rétt­inn né verð­lagið.

Sædís fjallar um upp­lifun sína í fjöl­mennum hópi mat­ar­unn­enda á Facebook, Mat­ar­tips!. Þar birtir hún jafn­framt mynd af matnum sem hún fékk:

Þessa mynd birti Sædís af matnum sem hún fékk.

Fjöl­margir mat­ar­unn­endur furða sig á fram­setn­ingu rétt­ar­ins og flestir þeirra telja diskinn ekki þess­arar upp­hæðar virði. Arndís á ekki til orð yfir lýs­ing­unni. „Ha??? Neiii hættu hvar er þetta ætla ekki að lenda í þessu,“ segir Arndís. Og það á Arnór ekki heldur. „Þessi mynd rændi mig sál­inni.“

Ásgeir biður fólk um að skoða sem flestar hliðar máls áður en ályktun er dregin. „Réði stað­ur­inn við traffík­ina sem var í dag? Eða voru 2000 manns að ferð­ast í gegnum pínu­lítið eld­hús yfir dag­inn? Þessir litlu staðir úti á landi eru flestir að gera það sem þeir geta til að ynna flakk­andi Íslend­ingum,“ bendir Ásgeir á.