Fárveik Steinunn í áfalli eftir hótunarbréf LÍN: „Hvernig geta þau verið svo mikil skítastofnun?“

„Ég er krabba­meins­sjúk­lingur og LÍN veit það. Þau halda samt áfram að senda hót­anir eins og þessa. Hvernig geta þau verið svona mikil skíta­stofnun?“

Svona hljóðar færsla Stein­unnar Mörtu á Twitter þar sem hún birtir harð­orðað inn­heimtu­bréf frá inn­heimtu­fyr­ir­tæk­inu Motus, fyrir hönd Lána­sjóðs íslenskra náms­manna. Bréfið ber yfir­skrift­ina:

Steinunn útskýrir frekar og seg­ist hafa verið það veik und­an­farið að hún hafi ekki náð að senda inn fylgi­gögn með umsókn um greiðslu­frest.

„Ég er búin að vera mjög veik. Fékk þá þetta bréf en ég er búin að borga núna svo krafan ætti von­andi að falla niður. Mér finnst þetta samt svo ýkt vinnu­brögð hjá þeim. Ég er búin að vera á spít­ala helm­ing­inn af þessu ári og tafð­ist þess vegna við að senda inn fylgi­gögn. Þau hefðu bara þurft að kíkja á síð­ustu umsókn um und­an­þágu og leggja saman tvo og tvo og hefðu kannski getað sent mér áminn­ingu í tölvu­pósti.“

Hildur tjáir sig um málið:

„Bíddu, LÍN á að geta veitt greiðslu­frest ef við­kom­andi veik­ist, missir vinnu, fer aftur í nám og fleira. Hvaða drulla er þetta“ spyr hún og Ásmundur grípur keflið og þýtur af stað:

„Það liggur við að ég myndi vísa gestum út af heim­il­inu mínu ef ég kæm­ist að því að þau væru að vinna fyrir LÍN. Þau sendu mér fárán­lega en ‘legit’ rukkun upp á 300 þús­und krónur með eindaga á Þor­láks­messu í fyrra. Gleðileg-fokk­ing-jól, eða hitt þó heldur!“Fólk er reitt vegna fram­komu LÍN við veika mann­eskju og Valur nefnir að  „ég veit um fólk sem hefur lent í alvar­legum veik­indum og LÍN hefur blákalt vísað þeim á að taka yfir­drátt­ar­lán í bank­anum til að ná endum saman. Bankinn tók betur á móti þeim.“